Qazaqstandyq ánshi Dımash Qudaıbergen "Bizdiń án" atty Qytaıdaǵy mýzykalyq shoýynda "Altyn áýen" syılyǵyn jeńip aldy, dep habarlaıdy "Adyrna" ulttyq portaly.
Dımash qytaılyq ánshi Hýan Sıaoıýnmen birge "Red Moon Rules" ánin oryndasa, taǵy bir qytaılyq tanymal ánshi Gon Lınnamen birge "Become a Poet" ánin shyrqady.
Baǵdarlama kezinde Dımash tek án aıtyp ǵana qoıǵan joq, qytaılyq ánshilerge qazaq tilin de úıretti. Al, qytaılyq ánshiler Dımashqa qytaısha án aıtýyna kómektesken.
Baǵdarlama sońynda, Dımashtyń oryndaýyndaǵy "Become a Poet" áni altynshy maýsym altynshy kezeńiniń "Altyn áýeni" syılyǵyn jeńip aldy.
"Bizdiń án" mýzykalyq teleshoýynyń altynshy maýsymy 21 shildede kógildir ekrannan kórsetile bastady. Bul shoý qytaıda kórilimi eń joǵary baǵdarlamalar qataryna jatady.
