قازاقستاننىڭ حالىق ءارتىسى، الەمگە تانىمال ءانشى ديماش قۇدايبەرگەن تۇركيادا ونەر كورسەتەدى، دەپ حابارلايدى "ادىرنا" ۇلتتىق پورتالى.
ءانشى تۇركيانىڭ ىستانبۇل قالاسىندا وتەتىن VIII ەتنوسپورت مادەنيەتى فەستيۆالىنىڭ باستى قوناقتارىنىڭ ءبىرى بولادى. ونەر يەسى فەستيۆال اياسىندا جەكە كونتسەرتتىك باعدارلاماسىن ۇسىنادى.
دۇنيەجۇزىلىك ەتنوسپورت كونفەدەراتسياسى ۇيىمداستىراتىن اۋقىمدى مادەني شارا 21–24 مامىر ارالىعىندا اتاتۇرىك اۋەجايى اۋماعىندا وتەدى.
ۇيىمداستىرۋشىلاردىڭ مالىمەتىنشە، ديماش قۇدايبەرگەننىڭ كونتسەرتى 23 مامىر كۇنى جەرگىلىكتى ۋاقىت بويىنشا ساعات 20:00-دە «Türk Telekom» باستى ساحناسىندا باستالادى.
ەتنوسپورت فەستيۆالى جىل سايىن كورەرمەن سانىن ارتتىرىپ كەلەدى. وتكەن جىلى شاراعا شامامەن 1 ميلليون ادام قاتىسقان بولسا، بيىل كەلۋشىلەر سانىن 1,5 ميلليونعا جەتكىزۋ جوسپارلانىپ وتىر. ۇيىمداستىرۋشىلار بۇل كورسەتكىشكە ديماشتىڭ الەمنىڭ تۇكپىر-تۇكپىرىنەن كەلەتىن جانكۇيەرلەرى دە ىقپال ەتەتىنىن ايتادى. قازىردىڭ وزىندە ءانشىنىڭ تىڭدارماندارى ىستانبۇلعا كەلە باستاعان.
