اۋعانستاننىڭ وزبەكستانداعى جاڭا ەلشىسى تاعايىندالدى، دەپ حابارلايدى "ادىرنا" ۇلتتىق پورتالى.
Tolonews مالىمەتىنشە، اۋعانستاننىڭ ەلشىسى ابدۋل گافار تيراۆي قىزمەتىن جاقىن ارادا باستاماق.
«سوڭعى ءۇش جىلدا يسلام امىرلىگى (اۋعانستان) تۇراقتى جانە كۇشتى رەجيم ەكەنىن دالەلدەدى. ۋاقىت وتكەن سايىن ايماق پەن بۇكىل الەم شىندىقتى ۇعىنۋدا. جاقىن ارادا ابدۋل گافار تيراۆي تاشكەنتتەگى يسلام امىرلىگىنىڭ ەلشىسى رەتىندە جۇمىسىن باستايدى»، - دەدى اۋعانستاننىڭ سىرتقى ىستەر مينيسترلىگى.
ەلشى قىزمەتىنە تاعايىندالعان تيراۆي – ەتنيكالىق وزبەك. ول ديپلوماتيالىق ميسسيانىڭ باسشىسى بولىپ تاعايىندالعانعا دەيىن اۋعانستان جوعارعى سوتىندا زەرتتەۋ دەپارتامەنتىنىڭ ديرەكتورى قىزمەتىن اتقارعان.
2023 جىلى قازاقستان سىرتقى ىستەر مينيسترلىگى استانادا تاليبان ديپلوماتتارى جۇمىس ىستەي باستايتىنىن حابارلاعان. وسى ارالىقتا قازاقستان رەسەي سياقتى تاليباندى تەرروريستىك ۇيىمدار تىزىمىنەن شىعارىپ ۇلگەرگەن.
