"ادىرنا" ۇلتتىق پورتالىنىڭ كەزەكتى سۇحباتى يۋتۋب ارناعا جاريالانى. وي-تالقىنىڭ كەزەكتى قوناعى - قازاقستان ەتنوديزاينەرلەر وداعىنىڭ پرەزيدەنتى سالتانات اميقىزى.
ول ۇلتتىق كيىم، ءتۇرلى سالاداعى ماسەلەلەردى تالداپ، ءوز ۇسىنىستارىن ورتاعا سالادى. ديزاينەر ۇلتتىق ديزاين ەرەكشەلىكتەرىنە توقتالىپ، بۇگىندە جوعالىپ بارا جاتقان كيىم ۇلگىلەرى مەن قولونەر ۇلگىلەرىنە توقتالعان. ەتنوگرافيا، ۇلتتىق تانىم جانە ۇلتتىق تاربيەگە قاتىسى مەن اسەرى جايىندا وي بولىسكەن ول ءوز يدەيالارىن جۇزەگە اسىرۋ جولدارى تۋرالى ايتادى. بۇگىندە كوپ نازارىنان تىس قالىپ، ۇمىتىلىپ بارا جاتقان نۇسقالار جايى دا سپيكەردىڭ نازارىنان تىس قالماعان. ول قوعامدا ۇلتتىق كيىم ۇلگىلەرى دەپ ۇسىنىلعان ۇلگىلەردىڭ سوعان سايكەس كەلمەي جاتاتىنىن سىنايدى. سۇحباتتا ۇلتتىق كيىم كيۋدى مەكتەپتەن ەمەس، پارلامەنتتەن باستاۋ جايى ءسوز بولادى. قازاقستان ەتنوديزاينەرلەر وداعىنىڭ پرەزيدەنتى جاس ۇرپاق تاربيەسىندەگى ۇلتتىق ديزايننىڭ الار ورنى تۋرالى ءوز ۇسىنىستارىن دا بايانداعان.
