جامبىل وبلىسىنداعى 19 مىڭعا جۋىق شارۋا قوجالىقتىڭ تورتتەن ءبىرىن نازىك جاندىلار باسقارىپ وتىر. بۇل تۋرالى وبلىس اكىمىنىڭ ورىنباسارى مۇراتحان شۇكەەۆ اۋىل ايەلدەرى فورۋمىندا مالىمدەدى.
فورۋم ايەلدەر ىستەرى جانە وتباسىلىق-دەموگرافيالىق ساياسات جونىندەگى قازاقستان رەسپۋبليكاسى پرەزيدەنتىنىڭ جانىنداعى ۇلتتىق كوميسسيانىڭ قولداۋىمەن ءوتتى. مۇراتحان ءجۇنىسالىۇلىنىڭ ايتۋىنشا، وبلىستا ايەلدەرگە زور قولداۋ جاسالىپ جاتىر.
– ماسەلەن، اۋداندىق ءماسليحات دەپۋتاتتارىنىڭ 29-ى – ايەل، 20415-ءى – ۇستاز، 785-ءى – دارىگەر، 1000 مىڭعا جۋىعى – مەملەكەتتىك قىزمەتكەرلەر. سونداي-اق، وبلىستاعى 19 مىڭعا جۋىق شارۋا قوجالىقتىڭ تورتتەن ءبىرىن نازىك جاندىلار باسقارىپ وتىر. اعىمداعى جىلى 393 ايەل «باستاۋ-بيزنەس» جوباسىمەن كاسىپ اشۋدىڭ قىر-سىرىن وقىپ-ۇيرەنسە، مەملەكەتتىك باعدارلاما بويىنشا 111 ايەل شاعىن نەسيە، 46 ايەل قايتارىمسىز گرانت الدى. ال «ەڭبەك» باعدارلاماسى اياسىندا جۇمىسپەن قامتۋدىڭ بەلسەندى شارالارىنا قاتىسقان نازىك جاندىلاردىڭ سانى 9725-ءى قۇرادى. بۇگىندە قاي سالادا بولماسىن نازىك جاندىلاردىڭ الاتىن ورنى ەرەكشە – دەدى وبلىس اكىمىنىڭ ورىنباسارى.
جيىندا ءماجىلىس دەپۋتاتى مايرا ايسينا ءسوز الىپ، ءوز ويىن ورتاعا سالدى. دەپۋتاتتىڭ ايتۋىنشا، ايەلدەر ەلىمىزدىڭ دامۋى ءۇشىن بارلىق سالادا بەلسەندى ەڭبەك ەتىپ جاتىر.
– ەلىمىزدەگى ازاماتتاردىڭ 51 پايىزى، ال «نۇر وتان» پارتياسىنىڭ 56 پايىزى ايەلدەر بولىپ سانالادى. بۇگىندە قاي سالانى الماساڭىزدا وندا ايەلدەر قاۋىمى بەلسەندى ەڭبەك ەتۋدە. وسىدان 15 جىل بۇرىن پارلامەنت ماجىلىسىندە 8 ايەل بولسا، قازىرگى تاڭدا 29 ايەل ءونىمدى ەڭبەك ەتۋدە. بۇل پارلامەنت مۇشەلەرىنىڭ 28 پايىزىن قۇرايدى. ءبىر قىزىعى دامىعان مەملەكەتتەردىڭ وزىندە ايەلدەردىڭ ۇلەسى سالماعى 13-اق پايىز. سونداي-اق ءبىلىم مەن دەنساۋلىق ساقتاۋ سالاسىندا ەڭبەك ەتەتىن ازاماتتاردىڭ 90 پايىزى ايەلدەر بولىپ وتىر. ەكونومكاعا كەلسەك، ەلىمىزدىڭ جالپى ىشكى ءونىمىنىڭ 3/1 بولىگىن ايەلدەر بەرەدى ەكەن. سەبەبى، شاعىن جانە ورتا كاسىپكەرلىكتە 30 پايىز ايەلدەر جۇمىس ىستەيدى. ال جەكە كاسىپكەرلىكتى الاتىن بولساق، وندا 60 پايىز ايەلدەر قۇرايدى. دۇنيەجۇزىنىڭ ساراپشىلارى 2030 جىلعا دەيىن ەكونوميكانىڭ شىعىسى مەن كىرىسىن 90 پايىز ايەلدەر باقىلايتىنىن ايتادى، – دەيدى دەپۋتات.
مايرا اراپقىزىنىڭ ايتۋىنشا، اۋىل ايەلدەرىنىڭ تۇرمىس دەڭگەيىن كوتەرىپ، سوڭعى شىققان تەحنولوگيالاردى جەتكىزۋگە جەتكىزۋىمىز كەرەك. سونداي-اق ول ەلىمىزدە كاسىپكەرلىكتى دامىتۋ ءۇشىن جەڭىلدەتىلگەن نەسيە بەرۋ جاقسى جولعا قويىلعانىن ەسكەرتتى.
سونداي-اق جيىندا سەنات دەپۋتاتى، قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا ءتورايىمىنىڭ ورىنباسارى ءلاززات سۇلەيمەن ءسوز سويلەپ، ءوز ويىن ورتاعا سالدى. بۇدان كەيىن «جاسىل ەكونوميكا جانە G-Global-دى دامىتۋ كواليتسياسى» زتب باسقارما توراعاسى سالتانات راقىمبەكوۆا ءسوز الىپ، نازىك جاندىلاردىڭ قوعامداعى ءرولى، وتباسى جانە دەموگرافيالىق ساياسات جونىندە ءوز ويلارىن ورتاعا سالىپ، پىكىر ءبىلدىردى.
