ورالدا ەكى جاسار قىز ەكىنشى قاباتتىڭ تەرەزەسىنەن قۇلاپ كەتتى. توتەنشە جاعدايلار مينيسترلىگىنىڭ مالىمەتىنشە، وقيعا 25 تامىزدا بولعان، - دەپ حابارلايدى “ادىرنا” ۇلتتىق پورتالى.
باتىس قازاقستان وبلىسىنىڭ توتەنشە جاعدايلار دەپارتامەنتى بالانىڭ بەس قاباتتى تۇرعىن ءۇيدىڭ 2-قاباتىنىڭ تەرەزەسىنەن قۇلاپ كەتكەنىن حابارلادى.
«ەرەسەكتەر قاراۋىنسىز قالعان 2022 جىلى تۋعان قىز بالا 2-قاباتتىڭ تەرەزەسىنەن قۇلاپ، اۋرۋحاناعا ءتۇستى»، - دەپ مالىمدەدى تجد.
توتەنشە جاعدايلار مينيسترلىگى قازاقستاندا جىل سايىن بالالاردىڭ تەرەزەدەن قۇلاپ كەتۋىنەن 100-گە جۋىق جازاتايىم وقيعا ورىن الاتىنىن حابارلاعان الەۋمەتتىك روليك جاريالادى. مينيسترلىك اتا-انالاردى بالالارىن قاراۋسىز قالدىرماۋعا شاقىردى.
«پاتەردەگى تەرەزەلەردى اشىپ، بولمەنى جەلدەتۋ كەزىندە بالانىڭ قاۋىپسىزدىگىن قاداعالاڭىزدار، قۇرمەتتى اتا-انالار، بالالارىڭىزدى قاراۋسىز قالدىرماڭىزدار»، - دەلىنگەن ۆيدەودا.
