تەمىرتاۋدا كولىك جۇرگىزۋشىسى تورت جاياۋ جۇرگىنشىنى قاعىپ كەتتى. بۇل تۋرالى وقيعا ۆيدەوعا ءتۇسىپ قالعان، دەپ حابارلايدى “ادىرنا” ۇلتتىق پورتالى.
اپات 31 جەلتوقساندا ساعات 19:20-دا بولدى. 23 جاستاعى "ۆاز 2114" اۆتوماشيناسىنىڭ جۇرگىزۋشىسى اباي كوشەسىمەن ب.مومىشۇلى داڭعىلىنىڭ باعىتىندا ءجۇرىپ ءوتىپ، جاياۋ جۇرگىنشىلەر وتكەلىنەن ءوتىپ بارا جاتقان جاياۋ جۇرگىنشىنى قاعىپ كەتكەن.
"اپات سالدارىنان 54 جاستاعى جاياۋ جۇرگىنشى مەديتسينالىق مەكەمەگە جەتكىزىلدى. فاكت پوليتسيادا تىركەلدى جانە ءتيىستى ساراپتامالار تاعايىندالدى، ولاردىڭ ناتيجەلەرى بويىنشا پروتسەستىك شەشىم قابىلدانادى", – دەدى قاراعاندى وبلىسى پد ءباسپاسوز قىزمەتىندە.
جەلىگە تاراعان ۆيدەودا جۇرگىزۋشى بۇرىلىستا تىزگىنگە يە بولا الماي، كولىك سىرعاناپ، 4 ادامدى قاعىپ كەتكەنى، ونىڭ ەكەۋى بالالار ەكەنى كورىنەدى. ال پوليتسيا تەك ءبىر ايەل زارداپ شەككەنىن ايتتى.
