Oralda eki jasar qyz ekinshi qabattyń terezesinen qulap ketti. Tótenshe jaǵdaılar mınıstrliginiń málimetinshe, oqıǵa 25 tamyzda bolǵan, - dep habarlaıdy “Adyrna” ulttyq portaly.
Batys Qazaqstan oblysynyń tótenshe jaǵdaılar departamenti balanyń bes qabatty turǵyn úıdiń 2-qabatynyń terezesinen qulap ketkenin habarlady.
«Eresekter qaraýynsyz qalǵan 2022 jyly týǵan qyz bala 2-qabattyń terezesinen qulap, aýrýhanaǵa tústi», - dep málimdedi TJD.
Tótenshe jaǵdaılar mınıstrligi Qazaqstanda jyl saıyn balalardyń terezeden qulap ketýinen 100-ge jýyq jazataıym oqıǵa oryn alatynyn habarlaǵan áleýmettik rolık jarııalady. Mınıstrlik ata-analardy balalaryn qaraýsyz qaldyrmaýǵa shaqyrdy.
«Páterdegi terezelerdi ashyp, bólmeni jeldetý kezinde balanyń qaýipsizdigin qadaǵalańyzdar, qurmetti ata-analar, balalaryńyzdy qaraýsyz qaldyrmańyzdar», - delingen vıdeoda.
