يسلام ءابىشتى قاماۋ كىمگە كەرەك؟

779

"ويپىراي حالىقتىڭ اراسىندا بەدەلى قانداي زور ەدى" دەپ سوڭعى كەزدە تاڭعالىپ جۇرگەن ءبىر ادامىم بار بولسا، ول وسى يسلام ءابىش دەگەن بۇرىڭعى شەنەۋنىك. راس.
فەيسبۋككە كىرسەم كورەتىنىم تەك وسى ءابىش بوپ كەتتى .... ءبارى قولداپ جاتىر، اراشا سۇراپ جاتىر، جازىپ جاتىر، ءجۋرناليسى دە زيالىسى دا، باسقاسى دا... مەن مويىندادىم، ءابىش اپتوريتەت ەكەن...
وتكەندە سىرتتاعى قاشقىن اكىمدەردىڭ بىرەۋىنىڭ "بۇلار اقشا ۇنەمدەيمىن دەگەن كىسىنى ءىستى قىلىپ وتىر" ميىعىنان كۇلە وتىرىپ ايتقان سوزىنە ەلەڭ ەتە قالىپ "ونىسى كىم ەدى" دەسەم، ونىمىز وسى يسلام ءابىش ەكەن عوي.
مەن وسى يسلام ءابىش تۋرالى العاش رەت بۇلاردىڭ ساپارباەۆ ەكەۋى شىعىس قازاقستان وڭىرىندە اتقارعان قىزمەتىنەن بەرى قۇلاعدارمىن.
بىلەتىندەر وسى ەكەۋى كەزىندە "شىعىس ءوڭىردى كادىمگىدەي قازاقتاندىردى، ولكەمىز ءبىراز قازاقتانىپ قالدى، تۇتاس ورالماندار قالاشىعىن سالدى" جانە اربانى دا سىندىرماي، وگىزىن دە ولتىرمەي، ىڭ - شىڭسىز جەرگىلىكتى ورەكەڭننىڭ كوڭىلىن تاۋىپ قۇرمەتكە بولەنە ءبىلدى دەپ ماقتاپ جاتادى. بۇلار كەيىن شىعىستان كەتكەندە جۇرت جىلاپ - سىقتاپ شىعارىپ سالىپتى دەگەندى دە وقىدىق سول كەزدە.
جالپى بۇندايدى كۇنگەي ءوڭىردىڭ جىگىتتەرى قاتىرادى، مەنىڭشە ومىرزاق (شۇكەەۆ) تا سونداي اكىم. ىرگەسى بەكىپ كەلە جاتقان جاس مەملەكەتتە ۇلتتىق ۇپايدى تۇگەندەگەن باسشىنىڭ قىزمەتى بىلە بىلگەن ادامعا وتە ساۋاپتى ءىس.
ەندى "بۇل كىسى نەگە ءىستى بولىپ وتىر" دەپ وسى كىسى جايلى اقپاردى وقىپ وتىرسام، "يسلام ءابىش ءۇش جىلدا مىناداي قارجى ۇنەمدەي وتىرىپ جوسپاردان ون ەسە كوپ پالەنشە پاتەر ءۇي سالۋعا بولادى دەپتى", "بەس جىلدا سونشا شاقىرىم جول سالۋعا بولادى", "بەس جىلدا قارجى ۇنەمدەي وتىرىپ القاپتاردا سونشا ينفراقۇرىلىم جاڭارتۋعا بولادى دەگەن ەكەن", "LRT قۇرىلىسىنىڭ شىعىنىن ءۇش ەسە ازايتۋعا بولادى" دەگەن تەمالار ۇرىپ تۇر وسى جەردە، ياعني ايىپتان بۇرىن ءابىشتىڭ باتىل باستامالارىن كوردىم. كوردىم دە وعان ىشتەي ريزا بولدىم. ەە، بۇندايدى تەك قولداپ، وسىنداي اڭگىمە ايتاتىن باسشىعا دەنى دۇرىس قوعام ەسكەرتكىش تۇرعىزباي ما؟؟!! ءتيىمدى رەفورمالار دەگەن شامامەن وسىنداي بولادى، دالىرەك ايتساق قازىنانىڭ اقشاسىن ۇنەمدەۋدەن باستالادى.(قولىمنان كەلسە مەملەكەتتىك بيۋدجەتتىڭ قاقپاعىنا كىلەڭ ساراڭ كەمپىرلەردى وتىرعىزىپ قويار ەدىم). سەنسەڭىز دە سەنبەسەڭىز دە اڭگىمەنىڭ توقەتەرى وسى.
مەنىڭشە، يسلام ءابىش ءوزىنىڭ وسىنداي "رەۆوليۋتسيوننىي" باستامالارىمەن، قازىنانىڭ قۇلاعىن ۇستاعان ءىرى - قارالاردىڭ "دىحالكاسىنان" ۇرىپ ولاردى شوشىتىپ وتىر. بۇنىڭ جوباسى شامامەن وسىعان كەلەدى.
ودان باسقا ويىما ەشتەڭە كەلمەدى.
ەگەر ىشكى تۇيسىگىم الداماي بۇل ازامات ناقاق كەتىپ وتىرسا، بۇل كىسىنىڭ تەك قانا بوستاندىققا شىعۋىن تىلەيمىن.
قالاي دەسەك تە پايعامبار جاسىنا كەلگەندە، اباقتىنىڭ سىقىرلاعان ەسىگىنە تەلمىرىپ كىرىپتار بوپ وتىرۋ كىمگە وڭاي دەيسىز، كىناسىزدىگى دالەلدەنىپ بوستاندىق بۇيىرسىن دەيمىن، باسقا نە ايتا الامىز، مىقتى ءابىش، رەفورماتور، رەسپەكت.

ولجاس ءابىل

"ادىرنا" ۇلتتىق پورتالى

پىكىرلەر