"Oipyrai halyqtyŋ arasynda bedelı qandai zor edı" dep soŋǧy kezde taŋǧalyp jürgen bır adamym bar bolsa, ol osy İslam Äbış degen būryŋǧy şeneunık. Ras.
Feisbukke kırsem köretınım tek osy Äbış bop kettı .... Bärı qoldap jatyr, araşa sūrap jatyr, jazyp jatyr, jurnalisı de ziialysy da, basqasy da... Men moiyndadym, Äbış aptoritet eken...
Ötkende syrttaǧy qaşqyn äkımderdıŋ bıreuınıŋ "būlar aqşa ünemdeimın degen kısını ıstı qylyp otyr" miyǧynan küle otyryp aitqan sözıne eleŋ ete qalyp "onysy kım edı" desem, onymyz osy İslam Äbış eken ǧoi.
Men osy İslam Äbış turaly alǧaş ret būlardyŋ Saparbaev ekeuı Şyǧys Qazaqstan öŋırınde atqarǧan qyzmetınen berı qūlaǧdarmyn.
Bıletınder osy ekeuı kezınde "şyǧys öŋırdı kädımgıdei qazaqtandyrdy, ölkemız bıraz qazaqtanyp qaldy, tūtas oralmandar qalaşyǧyn saldy" jäne arbany da syndyrmai, ögızın de öltırmei, yŋ - şyŋsyz jergılıktı orekeŋnnıŋ köŋılın tauyp qūrmetke bölene bıldı dep maqtap jatady. Būlar keiın şyǧystan ketkende jūrt jylap - syqtap şyǧaryp salypty degendı de oqydyq sol kezde.
Jalpy būndaidy küngei öŋırdıŋ jıgıtterı qatyrady, menıŋşe Ömırzaq (Şükeev) ta sondai äkım. Irgesı bekıp kele jatqan jas memlekette ūlttyq ūpaidy tügendegen basşynyŋ qyzmetı bıle bılgen adamǧa öte sauapty ıs.
Endı "būl kısı nege ıstı bolyp otyr" dep osy kısı jaily aqpardy oqyp otyrsam, "İslam Äbış üş jylda mynadai qarjy ünemdei otyryp jospardan on ese köp pälenşe päter üi saluǧa bolady deptı", "bes jylda sonşa şaqyrym jol saluǧa bolady", "bes jylda qarjy ünemdei otyryp alqaptarda sonşa infraqūrylym jaŋartuǧa bolady degen eken", "LRT qūrylysynyŋ şyǧynyn üş ese azaituǧa bolady" degen temalar ūryp tūr osy jerde, iaǧni aiyptan būryn Äbıştıŋ batyl bastamalaryn kördım. Kördım de oǧan ıştei riza boldym. Ee, būndaidy tek qoldap, osyndai äŋgıme aitatyn basşyǧa denı dūrys qoǧam eskertkış tūrǧyzbai ma??!! Tiımdı reformalar degen şamamen osyndai bolady, dälırek aitsaq qazynanyŋ aqşasyn ünemdeuden bastalady.(Qolymnan kelse memlekettık biudjettıŋ qaqpaǧyna kıleŋ saraŋ kempırlerdı otyrǧyzyp qoiar edım). Senseŋız de senbeseŋız de äŋgımenıŋ toqeterı osy.
Menıŋşe, İslam Äbış özınıŋ osyndai "revoliusionnyi" bastamalarymen, qazynanyŋ qūlaǧyn ūstaǧan ırı - qaralardyŋ "dyhalkasynan" ūryp olardy şoşytyp otyr. Būnyŋ jobasy şamamen osyǧan keledı.
Odan basqa oiyma eşteŋe kelmedı.
Eger ışkı tüisıgım aldamai būl azamat naqaq ketıp otyrsa, būl kısınıŋ tek qana bostandyqqa şyǧuyn tıleimın.
Qalai desek te paiǧambar jasyna kelgende, abaqtynyŋ syqyrlaǧan esıgıne telmırıp kırıptar bop otyru kımge oŋai deisız, kınäsızdıgı däleldenıp bostandyq būiyrsyn deimın, basqa ne aita alamyz, Myqty Äbış, reformator, respekt.
Oljas Äbıl
"Adyrna" ūlttyq portaly
