قازاقستاننىڭ پاراليمپيادا قۇراماسى پاريجگە XVII جازعى ويىندارعا اتتاندى، دەپ حابارلايدى "ادىرنا" ۇلتتىق پورتالى تۋريزم جانە سپورت مينيسترلىگىنىڭ ءباسپاسوز قىزمەتىنە سىلتەپ.
«XVII جازعى پاراليمپيادا ويىندارىنا قاتىساتىن پاراليمپياداشىلاردىڭ العاشقى لەگى پاريجگە اتتاندى. دەلەگاتسيا قۇرامى پارا-ۆولەيبول، پارا-ۇستەل تەننيسى جانە پارا-ءجۇزۋ بويىنشا ۇلتتىق قۇرامالاردىڭ اتىنان ونەر كورسەتەتىن سپورتشىلاردان تۇرادى»، - دەلىنگەن حابارلامادا.
وتىرىپ وينايتىن ۆولەيبولدان ۇلتتىق قۇراما 28 جىلدا العاش رەت پاريج-2024 پاراليمپيادا ويىندارىنا قاتىسۋعا ليتسەنزيا العانى اتاپ ءوتىلدى. سونىمەن قاتار، پارا-ۇستەل تەننيسىنە بەرىلگەن ليتسەنزيا سپورتتىڭ وسى تۇرىنەن ەل تاريحىندا تۇڭعىش رەت تىركەلدى.
پارا جۇزۋدەن ۇلتتىق قۇرامانىڭ قۇرامىندا لوندون-2012 پاراليمپيادا ويىندارىنىڭ چەمپيونى ءزۇلفيا عابيدۋللينا، توكيو-2020 پاراليمپيادا ويىندارىنىڭ قولا جۇلدەگەرى نۇرداۋلەت جۇماعالي، سونداي-اق توكيو-2020 قاتىسۋشىلارى مەن حالىقارالىق جارىستاردىڭ جەڭىمپازدارى سيازبەك داليەۆ، امىرە مۇراتبەكوۆ سىندى تانىمال سپورتشىلار بار ەكەنى حابارلاندى.
جالپى، 2024 جىلى پاريجدە وتكەن پاراليمپيادا ويىندارىندا قازاقستاندىق سپورتشىلار توعىز سپورت تۇرىنەن 33 ليتسەنزيا جەڭىپ الدى. ويىندار 28 تامىز بەن 8 قىركۇيەك ارالىعىندا وتەدى.
