Qazaqstannyń paralımpıada quramasy Parıjge XVII jazǵy oıyndarǵa attandy, dep habarlaıdy "Adyrna" ulttyq portaly Týrızm jáne sport mınıstrliginiń baspasóz qyzmetine siltep.
«XVII Jazǵy Paralımpıada oıyndaryna qatysatyn paralımpıadashylardyń alǵashqy legi Parıjge attandy. Delegaııa quramy para-voleıbol, para-ústel tennısi jáne para-júzý boıynsha ulttyq quramalardyń atynan óner kórsetetin sportshylardan turady», - delingen habarlamada.
Otyryp oınaıtyn voleıboldan ulttyq qurama 28 jylda alǵash ret Parıj-2024 Paralımpıada oıyndaryna qatysýǵa lıenzııa alǵany atap ótildi. Sonymen qatar, para-ústel tennısine berilgen lıenzııa sporttyń osy túrinen el tarıhynda tuńǵysh ret tirkeldi.
Para júzýden ulttyq quramanyń quramynda London-2012 Paralımpıada oıyndarynyń chempıony Zúlfııa Ǵabıdýllına, Tokıo-2020 Paralımpıada oıyndarynyń qola júldegeri Nurdáýlet Jumaǵalı, sondaı-aq Tokıo-2020 qatysýshylary men halyqaralyq jarystardyń jeńimpazdary Sııazbek Dalıev, Ámire Muratbekov syndy tanymal sportshylar bar ekeni habarlandy.
Jalpy, 2024 jyly Parıjde ótken Paralımpıada oıyndarynda qazaqstandyq sportshylar toǵyz sport túrinen 33 lıenzııa jeńip aldy. Oıyndar 28 tamyz ben 8 qyrkúıek aralyǵynda ótedi.
