قازاقستاندىق بوكسشى ايدوس ەربوسىنۇلى كاسىبي رينگتە ءبىرىنشى رەت نوكاۋتپەن جەڭىلىپ، كوماعا جاتىر.
ايدوس ەربوسىنۇلى ەكىنشى ورتا سالماقتاعى WBA Regular الەم چەمپيونى تيتۋلى ءۇشىن جەكپە-جەكتە كۋبالىق داۆيد موررەلدەن نوكاۋتپەن جەڭىلگەننەن كەيىن جاساندى كوماعا ءتۇستى.
Suleimen Promotions كومپانياسى بوكسشىنىڭ جاعدايىنا قاتىستى پىكىر ءبىلدىردى.
"Suleimen Promotions» كومپانياسىنىڭ بارلىق ۇجىمى ايدوس ەربوسىنۇلىنىڭ جاعدايىنا الاڭداۋلى جانە دەنساۋلىعىنا كۇندەلىكتى باقىلاۋ جاساۋدا. ءبىزدىڭ قايتپاس قايسار باتىرىمىز ءبىز ءۇشىن كاسىپقوي بوكستاعى «ەڭ ۇزدىك» بولىپ قالا بەرمەك. قازىر ايدوس مينەاپوليس قالاسىنداعى ۇزدىك كلينيكالاردىڭ بىرىنە جاتقىزىلدى. دارىگەرلەردىڭ سوزىنشە، جاعدايى بىرقالىپتى، ءبىز ونىڭ دەنساۋلىعى جاقساراتىنىنا سەنىمدىمىز. سپورتشىمىزدىڭ ەمدەلۋىنە جۇمسالاتىن بارلىق شىعىنداردى ۇيىمداستىرۋشى كومپانيا ءوز موينىنا الدى. سونداي-اق، ايدوستىڭ جاۋىنگەرلىك رۋحىن كوتەرۋ مەن ءوزىن جاقسىراق سەزىنۋى ماقساتىندا قازاقستانداعى جاقىندارىن اقش-قا التىرتۋ جولىندا جۇمىستار جۇرگىزىلىپ جاتقانىن ايتىپ كەتكىمىز كەلەدى. ارينە، سپورتتىڭ قاي تۇرىندە دە، سونىڭ ىشىندە كاسىپقوي بوكستا جاراقات الۋ قاۋىپى جوعارى. الايدا ءبىز كەز-كەلگەن جاعدايدا ايدوس ەربوسىنۇلىنىڭ دەنساۋلىعى قالپىنا كەلۋى ءۇشىن بارلىق كومەكتى كورسەتەتەتىن بولامىز", - دەلىنگەن حابارلامادا.
"ادىرنا" ۇلتتىق پورتالى
