رەسەي پرەزيدەنتى ۆلاديمير ءپۋتيننىڭ ۆيدەوسى جەلىدە قىزۋ تالقىعا ءتۇستى. اسىرەسە مۇسىلمان ەلدەرى ءپۋتيننىڭ قۇران كىتابىن سۇيگەنىنە ءتانتى بولۋدا، دەپ حابارلايدى "ادىرنا" ۇلتتىق پورتالى.
رەسەي پرەزيدەنتى گروزنىيداعى يسا پايعامبار مەشىتىنە بارعانىندا مۇسىلمانداردىڭ قاسيەتتى كىتابى قۇران كارىمدى ءسۇيدى. ساياساتكەردىڭ بۇل ءىسى X جانە YouTube الەۋمەتتىك جەلىلەرىندە تارالىپ، تۇركيا، ءباا، ەگيپەت، سيريا جانە باسقا دا مۇسىلمان ەلدەردى تاڭ قالدىردى.
«مىنە ناعىز ادامگەرشىلىك!... رەسەي پرەزيدەنتى، مەن ءسىزدى وسى قۇرمەتىڭىز ءۇشىن جاقسى كورەمىن، سىزگە دەگەن قۇرمەتىم شەكسىز»، - دەپ پىكىر قالدىردى ح الەۋمەتتىك جەلىسىن قولدانۋشىلاردىڭ ءبىرى. «پۋتين مۇسىلماندارعا قۇرمەت كورسەتەدى، ال باتىس ناسىلشىلدىك پەن يسلامدى جەك كورۋدى كورسەتەدى»، «مۇنداي ارەكەت كوپىرلەردى بۇزبايدى، كەرىسىنشە جالعايدى. مەن باسقا الەمدىك كوشباسشىلاردان مۇنداي ارەكەتتى ەشقاشان كورگەن ەمەسپىن »، - دەگەن سىندى پىكىرلەر تاراۋدا.
