Reseı prezıdenti Vladımır Pýtınniń vıdeosy jelide qyzý talqyǵa tústi. Ásirese musylman elderi Pýtınniń Quran kitabyn súıgenine tánti bolýda, dep habarlaıdy "Adyrna" ulttyq portaly.
Reseı prezıdenti Groznyıdaǵy Isa paıǵambar meshitine barǵanynda musylmandardyń qasıetti kitaby Quran Kárimdi súıdi. Saıasatkerdiń bul isi X jáne YouTube áleýmettik jelilerinde taralyp, Túrkııa, BAÁ, Egıpet, Sırııa jáne basqa da musylman elderdi tań qaldyrdy.
«Mine naǵyz adamgershilik!... Reseı prezıdenti, men sizdi osy qurmetińiz úshin jaqsy kóremin, sizge degen qurmetim sheksiz», - dep pikir qaldyrdy H áleýmettik jelisin qoldanýshylardyń biri. «Pýtın musylmandarǵa qurmet kórsetedi, al Batys násilshildik pen ıslamdy jek kórýdi kórsetedi», «Mundaı áreket kópirlerdi buzbaıdy, kerisinshe jalǵaıdy. Men basqa álemdik kóshbasshylardan mundaı áreketti eshqashan kórgen emespin », - degen syndy pikirler taraýda.
