پرەزيدەنت قاسىم-جومارت توقاەۆ سولتۇستىك ەۋروپانىڭ بىرقاتار مەملەكەتتەرىندە قۇراندى ورتەۋ ارەكەتتەرىن قازىرگى الەمدەگى شيەلەنىستى ۋشىقتىرۋعا، حالىقتار مەن مەملەكەتتەر اراسىنداعى سەنىمگە نۇقسان كەلتىرۋگە باعىتتالعان جول بەرۋگە بولمايتىن ارانداتۋشىلىق دەپ سانايدى، - دەپ حابارلايدى "ادىرنا" ءتىلشىسى اقوردانىڭ ءباسپاسوز قىزمەتىنە سىلتەمە جاساپ.
قازاقستان الەمدىك جانە ءداستۇرلى دىندەر ليدەرلەرىنىڭ سەزىن وتكىزۋدىڭ باستاماشىسى بولىپ تابىلادى. بۇل فورۋم ءداستۇرلى دىندەر مەن كونفەسسيالاردىڭ كورنەكتى وكىلدەرى اراسىنداعى ءتيىمدى جانە جەمىستى ديالوگ الاڭىنا اينالدى.
مەملەكەت باسشىسى اتاپ وتكەندەي، ءدىني ۆانداليزم فاكتىلەرى مەن ءتيىستى مەملەكەتتەر ازاماتتارىنىڭ جاۋاپسىز مىنەز-قۇلقىنىڭ كوبەيۋىن مەملەكەتتەر مەن دىندەردىڭ وركەنيەتتى قاتار ءومىر ءسۇرۋىنىڭ جالپىعا تانىلعان نورمالارىنا قايشى كەلەتىن ارەكەتتەر رەتىندە ءبىراۋىزدان ايىپتاۋ كەرەك.
سونداي-اق ول بىرىككەن ۇلتتار ۇيىمىنىڭ باس اسسامبلەياسى دا بۇل ماسەلەگە قاتىستى سالماقتى ءسوزىن ايتۋى كەرەكتىگىن ايتتى.
ەسكە سالا كەتەيىك، بۇعان دەيىن وزبەكستان پرەزيدەنتى شاۆكات ميرزياەۆ ااتلعان ارەكەتكە باعا بەرگەن بولاتىن. ول شۆەتسياداعى قاسيەتتى قۇراننىڭ ورتەنۋىن "جەر بەتىندەگى ميلليونداعان ادامداردىڭ ءدىنى مەن ساف سەزىمدەرىن قورلايتىن مۇنداي جاعدايلارعا جول بەرۋگە بولمايدى" دەپ اتادى.
