اعىمداعى جىلدىڭ 1 ساۋىرىنەن باستاپ وڭىرلىك جاستار كادرلىق رەزەرۆىنە قۇجاتتاردى قابىلداۋ باستالدى. باتىس قازاقستان وبلىسىندا بۇل شارا قالاي ءوتىپ جاتىر؟
جاستاردى قولداۋ جانە دارىندى مامانداردى مەملەكەتتىك قىزمەت سالاسىنا تارتۋ ماقساتىندا پرەزيدەنتتىڭ باستاماسىمەن «الەۋمەتتىك ليفت» رەتىندە پرەزيدەنتتىك جاستار كادر رەزەرۆى مەن وڭىرلىك كادرلىق رەزەرۆ جوبالارى جۇزەگە اسىرىلۋدا.
بيىلعى جىلدىڭ 1 نۋرىزىنان باستاپ ەلىمىزدىڭ بارلىق وڭىرلەرىندە، رەسپۋبليكالىق ماڭىزى بار قالالاردا جانە استانادا العاش رەت وڭىرلىك كادرلىق رەزەرۆتەرگە ىرىكتەۋ وتكىزىلۋدە.
جوبانىڭ نەگىزگى ماقساتى – جاس باسقارۋشىلاردىڭ وڭىرلىك پۋلدارىن قالىپتاستىرۋ جانە وڭىرلەردى دامىتۋعا تالانتتى جاستاردى تارتۋ.
ىرىكتەۋدى وڭىرىمىزدە باتىس قازاقستان وبلىسىنىڭ وبلىس اكىمىنىڭ باسقارۋىمەن كادر كوميسسياسى جۇزەگە اسىرادى.
وڭىرلىك رەزەرۆكە الىنعان ادامدار جەرگىلىكتى اتقارۋشى ورگانداردا «ب» كورپۋسىنىڭ مەملەكەتتىك اكىمشىلىك لاۋازىمدارىنا ورنالاسا الادى.
ىرىكتەۋگە قازاقستان رەسپۋبليكاسىنىڭ ازاماتتارى، 35 جاستان اسپاعان، جوعارى ءبىلىمى بار، ەڭبەك ءوتىلى 3 جىلدان كەم ەمەس تالاپتار قويىلدى.
ىرىكتەۋ يندۋستريا جانە ونەركاسىپ، ەكونوميكا جانە قارجى، الەۋمەتتىك سالا، تۇرعىن ءۇي-كوممۋنالدىق شارۋاشىلىق جانە ينفراقۇرىلىم، اگروونەركاسىپتىك كەشەن جانە جەر قاتىناستارى، تسيفرلاندىرۋ، ەكولوگيا سالالىق باعىتتارى بويىنشا وتكىزىلۋدە.
ءوتىپ جاتقان ىرىكتەۋگە 423 استام ادام نيەت ءبىلىدىرىپ، 273 قاتىسۋشى ىرىكتەۋگە جىبەرىلدى.
قازىرگى كەزدە، ۇمىتكەرلەر، زاڭنامانى ءبىلۋ جانە جەكە قاسيەتتەرىن باعالاۋ تەستىلەۋ كەزەندەرىنەن ءوتىپ، ناتيجەسىندە ەڭ جوعارى باللدارعا يە بولعاندار قۇزىرەتتەردى باعالاۋ كەزەنىنەن وتۋدە. بۇل كەزەن استانا قالاسىندا مەملەكەتتىك باسقارۋ اكادەمياسىنىڭ بازاسىندا وفلاين فورماتتا ۇيىمداستىرىلۋدا.
اتالاعان كەزەڭ كانديداتتاردىڭ مىنەز-قۇلىق ينديكاتورلارىنىڭ جيىنتىعى ارقىلى بەلگىلى ءبىر قۇزىرەتتەردى (بەلسەندىلىك، قىزمەتتى باسقارۋ، ماسەلەلەردى تالداۋ جانە شەشۋ، كوشباسشىلىق، سەنىمدىلىك) انىقتاۋعا ءارى باعالاۋعا باعىتتالعان توپتىق جانە جەكە جاتتىعۋلاردى قامتيدى. كانديداتتاردىڭ مىنەز-قۇلقىن سەرتيفيكاتتالعان ساراپشى-باعالاۋشىلار باقىلايدى.
كەلەسى كەزەڭ – ول كوميسسياداعى قۇرىلىمدىق سۇحبات. سۇحبات كەزىندە كانديداتتار تاڭداعان سالالىق باعىتقا سايكەس جوبانى پرەزەنتاتسيا جاسايدى.
پرەزەنتاتسيا بارىسىندا كانديدات ءوزى ۇسىنعان يدەيانىڭ ءمانى مەن ماقساتتارىن، ونى ىسكە اسىرۋ كەزەڭدەرىن، ىقتيمال پروبلەمالاردى، كۇتىلەتىن ناتيجەلەردى اشۋى قاجەت.
سوڭعى كەزەڭدە كوميسسيانىڭ وتىرىسى وتكىزىلىپ، رەزەرۆكە كانديداتتاردى قابىلداۋ تۋرالى ۇسىنىس شىعارىلادى.
وڭىرلىك كادر كوميسسياسىنىڭ شەشىمىمەن رەزەرۆكە ەكى جىل مەرزىمىنە ەنگىزىلەدى.
قازىرگى تاڭدا جاستاردى مەملەكەتتىك قىزمەتكە تارتۋ جۇمىستارى جۇرگىزىلۋدە، وسى تۋرالى ايتىپ بەرسەڭىز.
مەملەكەت باسشىسى ق. توقاەۆ مەملەكەتتىك اپپاراتتىڭ جۇمىسىنا جاڭاشا كوزقاراس قاجەت ەكەنىن جانە مەملەكەتتىك قىزمەت جۇيەسى ءىس جۇزىندە سەرۆيستىك سيپاتقا يە بولىپ، قوعامعا باعدارلانۋى ءۇشىن تۇبەگەيلى وزگەرۋدى تالاپ ەتۋدە.
وسىعان بايلانىستى، مەملەكەتتىك اپپارات جۇيەسى قوعامنىڭ تالابىنا ساي وزگەرۋى ءتيىس.
مەملەكەتتىك قىزمەتشىلەردىڭ بىلىكتىلىگى، كاسىبي دەڭگەيى مەن ولاردىڭ ادامي قاسيەتتەرى ءوزارا ۇيلەسىم تابۋى ماڭىزدى. مەملەكەتتىك اپپاراتتىڭ تيىمدىلىگى جۇمىستىڭ بارىسىمەن ەمەس، تۇپكى ناتيجەمەن ولشەنۋ قاجەت.
مەملەكەت باسشىسىنىڭ تاپسىرماسىن ورىنداۋ ماقساتىندا مەملەكەتتىك قىزمەتكە كىرۋدە ارتىق كەدەرگىلەردى جويۋ جانە مەملەكەتتىك قىزمەتتەن شىعۋ ءتارتىبىن جەڭىلدەتۋ بويىنشا قولدانىستاعى زاڭناماعا ءتيىستى وزگەرىستەر ەنگىزىلدى.
ەندى مەملەكەتتىك گرانتپەن وقۋ ورىندارىن جوعارعى كورسەتكىشپەن اياقتاعان ۇزدىك تۇلەكتەر اۋدان مەن اۋىلدىق جەرلەردە تومەنگى لاۋازىمدارعا كونكۋرستىق ىرىكتەۋسىز، تىكەلەي تاعايىندالاتىن بولادى.
بۇل تەتىك بىلىكتى جاستاردى مەملەكەتتىك قىزمەتكە ىنتالاندىرۋعا، جاس مامانداردىڭ اۋدان مەن اۋىلدىق ايماقتارعا ورالۋىنا، سونىمەن قاتار وڭىرلەردەگى كادر تاپشىلىعىن ازايتۋعا سەپتىگىن تيگىزىپ، مەملەكەتتىك قىزمەتكە كىرۋدى جەڭىلدەتەدى.
وزگەرىستەر ەنگىزىلگەننەن باستاپ، اۋداندىق جانە اۋىلدىق دەڭگەيدەگى مەملەكەتتى ورگاندارعا جوعارى وقۋ ورىندارىنىڭ
16 تۇلەگى ورنالاسىپ، باس جانە جەتەكشى مامان لاۋازىمدارىندا قىزمەت اتقارۋدا.
بۇگىندە وبلىسىمىزدا مەملەكەتتىك ورگانداردا 35 جاسقا دەيىنگى 1075 جاس مامان (33%) قىزمەت ەتەدى.
سونىمەن قاتار، قولدانىستاعى زاڭنامادا كوزدەلگەن ءۇش كەزەڭنەن تۇراتىن كونكۋرستىق ىرىكتەۋ جاس مامانداردىڭ مەملەكەتتىك قىزمەتكە تەڭ قولجەتىمدىلىگىن قامتاماسىز ەتەدى. بىلىكتىلىك تالاپتارى جەڭىلدەتىلىپ، وبلىستىق باسقارمالارعا جۇمىس ءوتىلىسىز تۇسۋگە بولادى، اۋداندىق جانە اۋىلدىق دەڭگەيلەرگە ورتا كاسىپتىك ءبىلىمى بار ۇمىتكەرلەر، جەڭىلدەتىلگەن تەستىلەۋ باعدارلاماسى بويىنشا تەستىلەۋدەن ءوتىپ، قابىلدانادى.
قازىرگى تاڭدا، 2021 جىلدىڭ 1 شىلدەسىندە ەنگىزىلگەن فاكتورلىق-بالدىق شاكىلگە نەگىزدەلگەن جاڭا ەڭبەكاقى تولەم جۇيەسى ەنگىزىلىپ، مەملەكەتتىك قىزمەتشىلەردىڭ جالاقىسى ەڭبەك نارىعىنداعى ورتاشا ەڭبەكاقىسىنا باسەكەلەستىككە يە.
سونىمەن بىرگە، «ديپلوممەن اۋىلعا» باعدارلاماسىنا اۋىل اكىمى اپپاراتتارىنىڭ باس جانە جەتەكشى ماماندارى ەنگىزىلىپ، 100 اەك بىرجولعى كوتەرمە جاردەماقىسى جانە 2000-2500 اەك تۇرعىن ءۇي ساتىپ/سالىپ الۋعا بيۋدجەتتىك كرەديت تۇرىندەگى الەۋمەتتىك قولداۋ شارالارى قاراستىرىلعان.
دەپارتامەنت مەملەكەتتىك قىزمەتشىلەردىڭ قىزمەتتىك ادەپتى ساقتاۋىنا تىكەلەي باقىلاۋ جۇرگىزەتىن ورگان بولىپ تابىلادى. وسى ورايدا، وڭىردە ادەپ بۇزعان مەملەكەتتىك قىزمەتشىلەر بار ما؟
دەپارتامەنتكە مەملەكەتتiك ورگانداردىڭ مەملەكەتتىك قىزمەت سالاسىنداعى زاڭناماسىن ساقتاۋى جانە مەملەكەتتىك قىزمەتشىلەردىڭ قىزمەتتىك ادەپتى ساقتاۋىنا مەملەكەتتىك باقىلاۋدى جۇزەگە اسىرۋ فۋنكتسياسى جۇكتەلگەن.
دەپارتامەنتپەن اتالعان فۋنكتسيالاردى جۇزەگە اسىرۋ كەزىندە باسىمدىلىق زاڭناما بۇزۋشىلىقتارىنىڭ پروفيلاكتيكاسىنا بەرىلەدى.
وسىلايشا، جىل باسىنان بەرى مەملەكەتتىك قىزمەتشىلەرگە زاڭناما تالاپتارىن ءتۇسىندىرۋ، قىزمەتتىك ادەپتى نىعايتۋ باعىتىندا 135 ءىس-شارا وتكىزىلدى.
دەسەك تە، قۇقىق قولدانۋ پراكتيكاسىندا ادەپ تالاپتارىن ساقتاماعان مەملەكەتتىك قىزمەتشىلەردىڭ بۇزۋشىلىقتارى انىقتالۋدا.
وسىلايشا، مەملەكەتتىك قىزمەتشىلەردىڭ اكىمشىلىك جاۋاپتىلىققا تارتىلۋىنا مونيتورينگ ناتيجەسىندە، بىرقاتار مەملەكەتتىك ورگانداردىڭ قىزمەتكەرلەرى بەلگىلەنگەن تالاپتاردى ساقتامايتىنى انىقتالدى.
بۇل رەتتە، ايتا كەتۋىمىز كەرەك، ادەپ بۇزۋشىلىقتاردىڭ پروفيلاكتاسى جۇمىستارى باعىتىندا دەپارتامەنت، ءبىر جاعىنان، تۇسىندىرمە جۇمىستارىن بەلسەندى جۇرگىزسە، ەكىنشى جاعىنان، بۇزۋشىلىقتارعا جول بەرگەن كىنالى تۇلعالاردىڭ ءتيىستى جاۋاپكەرشىلىكتەن جالتارۋىنا جول بەرمەۋ بويىنشا شارالاردى قابىلداۋدا.
دەپارتامەنت مەملەكەتتىك قىزمەت سالاسىنداعى باقىلاۋشى ورگان بولىپ تابىلادى. ءوز كەزەگىندە، ازاماتار مەملەكەتتىك ورگانداردىڭ جۇمىسىنا كوپ نارازىلىق بىلدىرەدى. وسى رەتتە، ازاماتتاردىڭ قۇقىقتارىن قورعاۋ بويىنشا قانداي دا ناتيجەلەر بار ما؟
يا، ارينە. قازاقستان رەسپۋبليكاسىندا مەملەكەتتىك قىزمەت مەملەكەتتiك قىزمەتشiلەردiڭ قۇقىقتىق جانە الەۋمەتتiك قورعالۋى قاعيداتتارىنا نەگىزدەلەدى.
دەپارتامەنتتىڭ باقىلاۋ فۋنكتسيالارىن جۇزەگە اسىرۋ كەزىندە بۇزۋشىلىقتاردىڭ پروفيلاكتيكاسى مەن مەملەكەتتىك قىزمەتشىلەردىڭ قۇقىقتارىنىڭ قورعالۋىنا باسىمدىق بەرىلەدى.
وسىلايشا، ەسەپتىك كەزەڭدە مەملەكەتتىك قىزمەتشىلەردىڭ الەۋمەتتىك كەپىلدىكتەرىنىڭ ساقتالۋىنا، جۇمىس ۋاقىتى رەجيمىنە، ولاردىڭ باعالاۋىنا جانە بونۋستار تولەۋىنە، مەملەكەتتىك ورگانداردىڭ تارتىپتىك تاجىريبەسىنە مونيتورينگ جۇرگىزىلدى.
تالداۋ ناتيجەلەرى بويىنشا 11 مەملەكەتتىك قىزمەتشىگە زاڭناما تالاپتارى ساقتالماي قولدانىلعان تارتىپتىك جازالاردىڭ كۇشتەرى جويىلىپ، ولاردىڭ بۇزىلعان زاڭدى قۇقىقتارى قالپىنا كەلتىرىلدى.
وسىعان قوسا، دەربەس مەملەكەتتىك ورگانداردىڭ قىزمەتشىلەرى جۇمىس ورنىندا ۇستەمە جۇمىسقا تارتۋ تۋرالى جۇمىس بەرۋشىنىڭ بۇيرىعى راسىمدەلمەي، وتىرعاندارى انىقتالىپ، مونيتورينگ ناتيجەسى بويىنشا 79 مەملەكەتتىك قىزمەتشىگە قوسىمشا دەمالىس ۋاقىتى ۇسىنىلدى.
سونداي-اق، جەرگىلىكتى اتقارۋشى ورگانداردىڭ مەملەكەتتىك قىزمەتشىلەرىنە ءىسساپار شىعىندارىن تولەۋ تالاپتارىنىڭ ساقتالۋىنا جۇرگىزىلگەن تالداۋ ناتيجەسىندە ءىسساپار شىعىندارىن ۋاقىتىلى تولەمەگەن 42 مەملەكەتتىك قىزمەتشىگە ءتيىستى 2 612 957 تەڭگە كولەمىندە تولەمدەر جۇرگىزىلدى.
سونىمەن قاتار، ەسەپتىك كەزەڭدە مەملەكەتتىك قىزمەتشىلەرگە باعالاۋ قورىتىندىسى بويىنشا بونۋس تولەۋ باستالدى.
بۇل رەتتە، دەپارتامەنتپەن 2 مەملەكەتتىك قىزمەتشىگە نەگىزسىز 312 998 تەڭگە كولەمىندە تولەنبەگەن بونۋستاردى تولەۋ قامتاماسىز ەتىلدى.
سوعان قوسا، دەپارتامەنتتىڭ ۇسىنىمىمەن 22 مەملەكەتتىك قىزمەتشىگە ءتيىستى باعالاۋ وتكىزۋ قامتاماسىز ەتىلىپ، نەگىزسىز تولەنبەگەن بونۋستاردى تولەۋ جونىندە شارالار قابىلدانۋدا.
ءوز كەزەگىندە، مەملەكەتتىك قىزمەتشىلەر اراسىندا زاڭ ۇستەمدىگى، ادىلەتتىلىك ۇستەمدىگى قاعيداتىن بەكىتۋگە جانە مەملەكەتتىك قىزمەتكە سەنىمىن نىعايتۋعا مۇمكىندىك بەرەدى.
دەپارتامەنت مەملەكەتتىك كورسەتىلەتىن قىزمەتتەردىڭ ساپاسىنا باقىلاۋ جۇرگىزەدى. وسى سالادا قانداي جۇمىستار اتقارىلۋدا؟
دەپارتامەنتى قىزمەتىنىڭ باسىم باعىتتارىنىڭ ءبىرى – حالىققا ساپالى مەملەكەتتىك قىزمەت كورسەتۋدى قامتاماسىز ەتۋ. بۇل رەتتە، قىزمەت الۋشىلاردىڭ قۇقىقتارىن قورعاۋ جانە قالپىنا كەلتىرۋگە ەرەكشە نازار اۋدارىلادى.
وسى رەتتە، دەپارتامەنتكە كەلىپ تۇسكەن وتىنىشتەر بويىنشا قىزمەت الۋشىلاردىڭ بۇزىلعان قۇقىقتارى قالپىنا كەلتىرىلگەن.
قىزمەت الۋشىلاردىڭ قۇقىقتارىنىڭ ساقتالۋىن قامتاماسىز ەتۋ ماقساتىندا دەپارتامەنت ارىز شاعىمداردى قاراۋ كەزىندە قىزمەت الۋشىلاردىڭ ۋاجدەرى راستالعان جاعدايدا بۇزىلعان قۇقىقتارىن قالپىنا كەلتىرۋ بويىنشا ءتيىستى ۇسىنىمدار جولدانادى.
اعىمداعى جىلى دەپارتامەنتپەن 4 قىزمەت الۋشىنىڭ قۇقىقتارى قالپىنا كەلتىرىلدى.
مىسالى، ارىزدانۋشى ا. جەر ۋچاسكەسىنىڭ نىسانالى ماقساتىن وزگەرتۋ تۋرالى شەشىمدى الا الماي دەپارتامەنتكە شاعىممەن جۇگىندى.
دەپارتامەنتپەن قىزمەت الۋشى ا. شاعىمى نەگىزىندە جۇرگىزىلگەن تەكسەرۋ ناتيجەسى بويىنشا قىزمەت الۋشىعا مەملەكەتتىك قىزمەت تولىق كورسەتىلىپ، جەردىڭ نىسانالى ماقساتى وزگەرتىلدى.
اتاپ ءوتۋ كەرەك، جاقىن ارادا بارلىق وڭىرلەردە اگەنتتىكتىڭ اۋماقتىق دەپارتامەنتتەرىمەن مەملەكەتتىك قىزمەتتەردى الۋ سالاسىنداعى ماسەلەلەردى جەدەل شەشۋگە جانە قىزمەت الۋشىلاردىڭ قۇقىقتارى مەن زاڭدى مۇددەلەرىنىڭ بۇزىلۋىنا جول بەرمەۋگە باعىتتالعان Telegram چات ىسكە قوسىلدى.
ول ءۇشىن حالىققا قىزمەت كورسەتۋ ورتالىقتارىندا ازاماتتاردى Telegram پاراقشاسىنا باعىتتايتىن ارنايى
QR-كودتار كورسەتىلگەن.
اتالعان ارنا ارقىلى ازاماتتار قانداي دا ءبىر قىزمەتتى الۋ كەزىندە تۋىنداعان ماسەلەلەر بويىنشا شاعىمدانا الادى.
زاڭ بۇزۋشىلىقتار انىقتالعان جاعدايدا، دەپارتامەنت قىزمەتكەرلەرى ولاردى جويۋ جونىندە دەرەۋ شارالار قابىلدايتىن بولادى.
وسىلايشا، قىزمەت الۋشىلاردىڭ قۇقىقتارىن قورعاۋ اياسىندا دەپارتامەنت مەملەكەتتىك كورسەتىلەتىن قىزمەتتەردىڭ ساپاسىن ءتيىستى باقىلاۋمەن قامتيدى.
باقىلاۋ جۇرگىزۋ ءتارتىبى سالاسىندا ورىن الىپ جاتقان وزگەرىستەر تۋرالى ايتساڭىز.
دەپارتامەنت شاعىمداردى قاراۋمەن شەكتەلمەي، قاشىقتىقتان مونيتورينگ جۇرگىزەدى. مەملەكەتتىك قىزەتتەردى كورسەتۋدى سۇيەمەلدەيتىن اقپاراتتىق جۇيەلەرگە قولجەتىمدىلىكتى ۇيىمداستىرىپ، تەكسەرۋ وبەكتىسىنە بارماي-اق بۇزۋشىلىقتاردى قاشىقتىقتان انىقتاپ، ولاردى جويۋ جانە الدىن الۋ بويىنشا ءتيىستى شارالار قولدانىلادى.
اتاپ ايتساق، وسىنداي مونيتورينگ شەڭبەرىندە دەپارتامەنتپەن اعىمداعى جىلى بىرقاتار بۇزۋشىلىقتار انىقتالىپ، ۇيعارىمدار ەنگىزىلگەن.
انىقتالعان بۇزۋشىلىقتاردىڭ باسىم بولىگى مەملەكەتتىك قىزمەت كورسەتۋ مەرزىمىن بۇزۋ، نەگىزسىز باس تارتۋ، مەملەكەتتىك كورسەتىلەتىن قىزمەتتەردىڭ ءتارتىبىن بۇزۋ فاكتىلەرى بولىپ تابىلادى.
جوعارىدا كورسەتىلگەندەي دەپارتامەنتپەن مەملەكەتتىك كورسەتىلەتىن قىزمەتتەردىڭ ساپاسىن جاڭا تاسىلدەردى قولدانا وتىرىپ باقىلاۋدى جۇزەگە اسىراتىن بولادى. ول دەگەنىمىز قىزمەت الۋشىلاردىڭ قۇقىقتارىن بۇزۋعا جول بەرمەۋگە ۇلكەن اسەرىن تيگىزەتىنى ءسوزسىز.
بايسالوۆ مۇرات سەيلبەكۇلى،
قازاقستان رەسپۋبليكاسى
مەملەكەتتىك قىزمەت ىستەرى اگەنتتىگىنىڭ
باتىس قازاقستان وبلىسى بويىنشا
دەپارتامەنتىنىڭ باسشىسى
