يوردانيادا ءوتىپ جاتقان كۇرەس تۇرلەرىنەن ەلىمىزدىڭ قوس سپورتشىسى فينالعا شىقتى، دەپ حابارلايدى "ادىرنا" ۇلتتىق پورتالى.
17 جاسقا دەيىنگى سپورتشىلار اراسىنداعى الەم بىرىنشىلىگىندە گرەك-ريم كۇرەسىنىڭ شەبەرلەرى باق سىناۋدا. بوز كىلەمگە شىققان بالۋاندار اراسىنان ەكى قازاقستاندىق فينالعا شىقتى.
55 كەلى سالماقتا بەلدەسىپ جاتقان الپامىس بولاتۇلى اقتىق سىنعا جولداما الدى. ول جاپونيا، يران جانە ارمەنيا بالۋاندارىن ءىرى ەسەپپەن جەڭىپ، باستە باسىم ءتۇستى. ەندى سپورتشىنىڭ فينالداعى قارسىلاسى - امەريكالىق دجەيدەن سكوتت رەيني بولماق.
قازاقستاندىق ەكىنشى سپورتشى ەركەبۇلان اناپيا 80 كەلىدە سىنعا ءتۇسىپ جاتىر. ول الەم چەمپيوناتىنىڭ فينالىندا بەلدەسەدى.
سونداي-اق، ءۇشىنشى سپورتشى 48 كەلىدەگى ەدىگە تولەۋتاەۆ تا قولا جۇلدەگە تالاسپاق.
