2021 جىلدىڭ ءۇش ايىندا 834 قازاقستاندىق ءوز-وزىنە قول جۇمسادى. ولاردىڭ كوپشىلىگى ەر ادامدار. بۇل تۋرالى قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتتىڭ ەسەبىندە مالىمدەلدى، دەپ حابارلايدى "ادىرنا" ۇلتتىق پورتالى.
جالپى العاندا، 2021 جىلدىڭ قاڭتارىنان ناۋرىزىنا دەيىن 834 قازاقستاندىق ءوز-وزىنە قول جۇمسادى.
دۇنيە جۇزىندە ەر ادامدار سۋيتسيدكە ءجيى بارادى. قازاقستان دا بۇل ەرەجەدەن تىس ەمەس. وزدەرىن ولتىرگەندەردىڭ 659-ى ەر ادامدار. بۇل ەرلەردىڭ كوپشىلىگى 35 پەن 44 جاس ارالىعىندا بولعان (141). ءوز-وزىنە قول جۇمساعان ايەلدەردىڭ كوپشىلىگى 45 پەن 54 جاس ارالىعىندا بولعان (31 جاعداي).
ولار قانداي جاعدايدا ءوز-وزىنە قول جۇمسادى؟
- ساۋ كەزىندە - 625;
- ماس كۇيىندە - 178;
- باسقا پسيحيكالىق اۋىتقۋ كەزىندە - 30,
- توكسيكومانيكالىق ينتوكسيكاتسيا كەزىندە - 2.
سۋيتسيدكە اكەلەتىن فاكتورلار
- جالعىزدىق - 29;
- كۇردەلى قارجىلىق جاعداي (بانكروتتىق، قارىزدار) - 29;
- قولايسىز ءومىر ءسۇرۋ شارتتارى - 5;
- تۋىستارىمەن جانجالدى قاتىناستار - 5;
- جۇبايىمەن جانجالدى قاتىناستار - 3;
- وتباسىلىق قاتىناستاردىڭ ءۇزىلۋى (اجىراسۋ) - 7;
- اۋىر سوماتيكالىق اۋرۋلار - 15;
- جاقىن ادامنىڭ جوعالۋى، قايتىس بولۋى - 3;
- الەۋمەتتىك مارتەبەسىن (بەدەلىن) جوعالتۋ - 1;
- جازادان، ۇياتتان قورقۋ (قىلمىستىق جاۋاپكەرشىلىك) - 1;
- تىركەلمەگەن- 253;
- باسقالارى - 511.
ءوز-وزىنە قول جۇمساۋ ادىستەرى - اسىلىپ قالۋ - 639;
- قارۋ قولدانا وتىرىپ - 5;
- تەسەتىن جانە كەسەتىن زاتتاردى قولدانا وتىرىپ - 52;
- كولىكتى قولدانا وتىرىپ - 1;
- بيىكتىكتەن قۇلاۋ - 35;
- ءوزىن-ءوزى ورتەۋ - 1;
- سۋعا باتۋ - 3;
- ۋلانۋ - 48(ونىڭ ىشىندە تاماقتان ۋلانۋ - 20, ءدارى - 18, كومىرتەگى توتىعى - 3, پەستيتسيدتەر 5)
- باسقالارى - 50.
ءوز-وزىنە قول جۇمساۋ ورنى - كوشەدە - 57;
- تۇرعىن ۇيدە - 465;
- جۇمىس ورنىندا - 16;
- مەديتسينالىق مەكەمەدە - 6;
- قىزمەت كورسەتۋ ورنى بويىنشا - 1;
- جەرتولەدە - 9;
- باسقالارى - 280.
2021 جىلدىڭ باستاپقى ءۇش ايىندا عانا ەلدە 1083 سۋيتسيدتىك ارەكەت تىركەلدى. ونىڭ 711-ءى ەر ادامدار.
"ادىرنا" ۇلتتىق پورتالى
