الماتىدا قاتتى جىلدامدىقپەن جەر ءۇيدىڭ قاقپاسىنا سوعىلعان موپەد جۇرگىزۋشىسى وقيعا ورنىندا كوز جۇمدى. قايعىلى وقيعانىڭ ۆيدەوسى الەۋمەتتىك جەلىدە تارادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، وقيعا 18 تامىز كەشكىسىن بولعان.
“بەيىمبەتوۆ كوشەسىنەن تومەن ورنالاسقان تاتىبەكوۆ كوشەسىندەگى جارىق ناشار بولعاندىقتان موپەد جۇرگىزۋشىسى تۇيىق جولدى كورمەي، ارەكەت ەتىپ ۇلگەرمەدى. ولار قاقپاعا سوعىلعان. بىرەۋى قايتىس بولدى، ەكىنشىسى جانساقتاۋ بولىمىندە جاتىر. وسى ماسەلە بويىنشا كوشە تۇرعىندارى "Open Almaty" ارقىلى بىرنەشە رەت جۇگىنىپ، مەدەۋ اۋدانى اكىمىنىڭ قاتىسۋىمەن وتكەن جيىنعا دا قاتىستى. بۇل مەكتەپكە اپاراتىن جول. بالالار قاراڭعىدا مەكتەپكە بارىپ، قايتادى. موپەد جۇرگىزۋشىسىنە وبال بولدى”، – دەلىنگەن جازبادا.
الماتى پوليتسياسى موپەد جۇرگىزۋشىسىنىڭ كوز جۇمعانىن، ال دوسىنىڭ اۋرۋحانادا جاتقانىن راستادى.
“اتالعان فاكتى بويىنشا مەدەۋ اۋداندىق ىشكى ىستەر بولىمىنە قاراستى پوليتسيا ءبولىمى تەرگەۋ جۇرگىزىپ جاتىر. سوت-مەديتسينالىق ساراپتاما تاعايىندالدى. وقيعانىڭ ءمان-جايى انىقتالىپ جاتىر”، – دەپ جاۋاپ بەردى پوليتسيا.
