تۇركيالىق TAV Airports Holding حولدينگى الماتى اۋەجايى اكتسياسىنىڭ ءجۇز پايىزىن 415 ميلليون دوللارعا ساتىپ الدى، - دەپ حابارلايدى Tengrinews.kz تىلشىسى حولدينگتىڭ ءباسپاسوز قىزمەتىنە سىلتەمە جاساپ.
كونسورتسيۋمدا TAV Airports ۇلەسى 75 پايىزدان كەم ەمەس، ال اكتسيا بارلىق زاڭ پروتسەدۋرالارى اياقتالعاننان كەيىن بەرىلەدى.
الماتى اۋەجايى TAV Airports Holding پورتفولەسىندە 15-ءىنشى بولىپ تۇر.
"قازاقستان - ايماقتا گەوگرافيالىق جانە ەكونوميكالىق جاعىنان ءىرى ەل. ال الماتى - ەلدىڭ ءىرى قالاسى، ءجىو 20 پايىزى الماتىدان تۇسەدى. سونىمەن قاتار، بۇل - قىتاي، ەۋروپا جانە افريكانى قوساتىن "زاماناۋي جىبەك جولىنىڭ" ورتالىعى. پوتەنتسيالى جوعارى جانە ءبىز ءوز بىلىمىمىزگە سۇيەنە وتىرىپ، ونى تولىق ىسكە اسىرۋ ءۇشىن جۇمىس ىستەيمىز", - دەدى حولدينگ پرەزيدەنتى جانە باس ديرەكتورى ساني شەنەر.
