الماتىدا اعاشتاردى ورتەگەن ازاماتتىڭ ءوزى ءورت قىزمەتكەرى بولىپ شىقتى. بۇل تۋرالى قر توتەنشە جاعدايلار مينيسترلىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
"7 قىركۇيەكتە YouTube-تەگى "باسە" ارناسىندا "قازاقستاندى توتەنشە جاعدايلار مينيسترلىگى ورتەپ جاتىر" دەگەن بەينەروليك جاريالاندى. وندا الماتىدا ورتتەردى ۇيىمداستىرعان ءورت ءسوندىرۋ قىزمەتىنىڭ قىزمەتكەرى جانات وتەۋليەۆ ەكەنىن كورسەتەدى. ۆيدەودا كورسەتىلگەن ازامات شىنىمەن دە الماتى قالاسى توتەنشە جاعدايلار دەپارتامەنتى ء"ورت ءسوندىرۋ جانە اۆاريالىق-قۇتقارۋ جۇمىستارى قىزمەتى" مم № 5 مامانداندىرىلعان ءورت ءسوندىرۋ ءبولىمىنىڭ قىزمەتكەرى ەكەنىن حابارلايمىز", - دەلىنگەن اقپاراتتا.
ازاماتتىڭ جەكە باسى انىقتالدى، ول 1983 جىلى تۋعان ازاماتتىق قورعاۋ اعا ءورت ءسوندىرۋ سەرجانتى وتەۋليەۆ جانات ەرعاليۇلى بولىپ شىقتى. ازاماتتىق قورعاۋ ورگاندارىندا 2008 جىلدان بەرى جۇمىس ىستەيدى.
"تەكسەرۋ ءىس-شارالارى بارىسىندا ۋتەۋليەۆ ج.ە. قاتتى ماساڭ كۇيدە بولعاندىقتان، اعاشتاردى نە سەبەپتى ورتەگەنىن ءتۇسىندىرىپ بەرە المادى. قازىرگى ۋاقىتتا قىزمەتتىك تەرگەۋ ۇيىمداستىرىلدى", - دەپ قوستى جاۋاپتى مەكەمە.
”ادىرنا” ۇلتتىق پورتالى
