Almatyda qatty jyldamdyqpen jer üidıŋ qaqpasyna soǧylǧan moped jürgızuşısı oqiǧa ornynda köz jūmdy. Qaiǧyly oqiǧanyŋ videosy äleumettık jelıde tarady, dep habarlaidy “Adyrna” ūlttyq portaly.
Aqparatqa säikes, oqiǧa 18 tamyz keşkısın bolǧan.“Beiımbetov köşesınen tömen ornalasqan Tätıbekov köşesındegı jaryq naşar bolǧandyqtan moped jürgızuşısı tūiyq joldy körmei, äreket etıp ülgermedı. Olar qaqpaǧa soǧylǧan. Bıreuı qaitys boldy, ekınşısı jansaqtau bölımınde jatyr. Osy mäsele boiynşa köşe tūrǧyndary "Open Almaty" arqyly bırneşe ret jügınıp, Medeu audany äkımınıŋ qatysuymen ötken jiynǧa da qatysty. Būl mektepke aparatyn jol. Balalar qaraŋǧyda mektepke baryp, qaitady. Moped jürgızuşısıne obal boldy”, – delıngen jazbada.
Almaty polisiiasy moped jürgızuşısınıŋ köz jūmǧanyn, al dosynyŋ auruhanada jatqanyn rastady.
“Atalǧan faktı boiynşa Medeu audandyq ışkı ıster bölımıne qarasty polisiia bölımı tergeu jürgızıp jatyr. Sot-medisinalyq saraptama taǧaiyndaldy. Oqiǧanyŋ män-jaiy anyqtalyp jatyr”, – dep jauap berdı polisiia.
