ءبىلىم بەرۋدە جاڭا تسيفرلىق تەحنولوگيالاردى ەنگىزۋ - قاراعاندى وبلىسى پەداگوگتەرىنىڭ تامىز كەڭەسىنىڭ باستى تاقىرىبى. ءداستۇر بويىنشا وتكەن وقۋ جىلىنداعى وڭىرلىك ءبىلىم بەرۋ جۇيەسىنىڭ جۇمىسى قورىتىندىلانىپ، جاڭا وقۋ جىلىنداعى ستراتەگيالىق باعىتتار ايقىندالدى.
كەڭەس وتكەن س. سەيفۋللين تەاترىنىڭ فويەسىندە تسيفرلىق كورمە ۇيىمداستىرىلدى.
بيىل قاراعاندى وبلىسىندا ءبىلىم بەرۋ سالاسىنا بيۋدجەتتىڭ 47%-عا جۋىعى بولىنگەن ەكەن. ەل پرەزيدەنتىنىڭ تاپسىرماسى بويىنشا سوڭعى 5 جىلدا مۇعالىمدەردىڭ جالاقىسى ەكى ەسەگە ارتتى.
مەكتەپتەر جوسپارلى تۇردە جاڭعىرتىلىپ، جاڭا وقۋ ورىندارى جوندەلىپ، سالىنۋدا. جىل سوڭىنا دەيىن بۇقار جىراۋ جانە قارقارالى اۋداندارىندا اپاتتى مەكتەپتەردىڭ ورنىنا ەكى جاڭا مەكتەپ سالىنادى. بيىلعى وقۋ جىلىندا وبلىستا 12 جاڭا مەكتەپ ەسىگىن ايقارا اشادى، ونىڭ 10-ى جايلى مەكتەپ. 2025 جىلعا دەيىن تاعى 20 مەكتەپ سالىنادى، ونىڭ 18-ءى "جايلى مەكتەپ" ۇلتتىق جوباسىنىڭ ستاندارتتارىنا سايكەس كەلەدى.
ماتەريالدىق-تەحنيكالىق بازا نىعايتىلۋدا. وبلىس مەكتەپتەرىنىڭ 80 %-ى زاماناۋي پاندىك كابينەتتەرمەن قامتاماسىز ەتىلگەن.
وتكەن وقۋ جىلىندا ءبىزدىڭ وقۋشىلار قازاقستاندىق ءبىلىم بەرۋدىڭ جوعارى حالىقارالىق ءيميدجىن راستاپ، حالىقارالىق وليمپيادالار مەن عىلىمي جارىستاردا 26 مەدال جەڭىپ الدى، بۇل وتكەن وقۋ جىلىمەن سالىستىرعاندا 8-گە ارتىق.
قوسىمشا ءبىلىم بەرۋ مەن شىعارماشىلىق دامۋعا قاراجات بولىنەدى. بيىل پريشاحتينسكىدە جاڭا "كاۋسار" وقۋشىلار سارايى اشىلدى. ءدال وسىنداي ساراي بيىل مايقۇدىقتا سالىنادى.
كەڭەستە ءسوز سويلەگەن قاراعاندى وبلىسىنىڭ اكىمى ەرماعانبەت بولەكپاەۆ ءبىلىم بەرۋ قىزمەتكەرلەرىنىڭ ەل بولاشاعىنا قوسقان زور ۇلەسىن اتاپ ءوتتى.
– ءبىز بالالار مەن جاستاردىڭ جان-جاقتى دامۋى ءۇشىن قولايلى جاعداي جاساۋعا تىرىسامىز. بىراق ءبىلىم بەرۋ پروتسەسىنىڭ ساپاسى جانە ءبىزدىڭ ءوڭىرىمىز بەن ەلىمىزدىڭ بولاشاعىنا قوسقان ۇلەسىمىز سىزدەرگە بايلانىستى. قۇرمەتتى ۇستازدارىمىز، ءبىزدىڭ الدىمىزدا ماڭىزدى مىندەتتەر تۇر، بىراق ءبىز بارلىعىن بىرگە جەڭە الاتىنىمىزعا سەنىمدىمىن. بۇل وقۋ جىلى بارلىق جەتىستىكتەر، بيىك بەلەستەر مەن جاڭا كوكجيەكتەر جىلى بولسىن! – دەپ ءوڭىر باسشىسى قاراعاندىلىق پەداگوگتارعا تىلەك ءبىلدىردى.
ءداستۇر بويىنشا كەڭەس بارىسىندا پەداگوگتارعا ى. التىنسارين اتىنداعى، ء"بىلىم بەرۋ ءىسىنىڭ قۇرمەتتى قىزمەتكەرى", ەڭبەك ارداگەرى" توسبەلنىلەرى، سونداي-اق قر اعارتۋ ءمينيسترىنىڭ قۇرمەت گراموتالارى تابىستالدى.
– مەن 40 جىل ۇزدىكسىز ساباق بەرىپ كەلەمىن: جاڭاجول اۋىلىندا 31 جىل جۇمىس ىستەدىم جانە سوڭعى 9 جىل قارقارالىدا ەڭبەك ەتەمىن. مۇعالىم ماماندىعىن ءوزىم تاڭدادىم. مەنىڭ ەڭبەگىمدى باعالاپ، "ەڭبەك ارداگەرى" توسبەلگىسىن تابىستاعانىنا ريزامىن، – دەپ ءبولىستى قارقارالى اۋدانى و. جاۋتىكوۆ اتىنداعى № 1 مەكتەپتىڭ ماتەماتيكا ءپانىنىڭ مۇعالىمى داريعا تۇرعامباەۆا.
باسقالارمەن بولىسە
وتىرىڭىز
