قاراعاندىدا تۇرعىن ۇيدەن ءورت شىعىپ، 6 ادام قازا تاپتى

2720
Adyrna.kz Telegram

قاراعاندى وبلىسىندا تۇرعىن ۇيدەن ءورت شىعىپ، 6 ادام قازا تاپتى، دەپ حابارلايدى «ادىرنا» ءتىلشىسى.

«16 جەلتوقسان كۇنى ساعات 01:51-دە تەمىرتاۋ قالاسىنىڭ، اقتاۋ كەنتىندەگەگى 5 قاباتتى تۇرعىن ۇيدە ءورت شىققانى تۋرالى حابار ءتۇستى. العاشقى ءورت ءسوندىرۋ ءبولىمى وقيعا ورنىنا 02:25-تە جەتتى. 1-قاباتتاعى 3 بولمەلى پاتەردە 40 شارشى مەتر اۋماقتا ءورت شىققان. توتەنشە جاعدايلار دەپارتامەنتىنىڭ بولىمشەلەرى كەلگەنگە دەيىن تۇرعىندار 5 ادامنىڭ ءمايىتىن (2007, 2010 ج.ت. ۇلدار، 1983, 1991 ج.ت. ايەلدەر، 1991 ج.ت. ەرلەر) كىرەبەرىستەن كوشەگە الىپ شىقتى. زارداپ شەككەندەر جوعارعى قاباتتارداعى پاتەرلەردەن ءتۇتىن باسقان كىرەبەرىس ارقىلى ءوز بەتىمەن ەۆاكۋاتسيالانباق بولعان. ءتۇتىننىڭ كوپ مولشەردەگى كونتسەنتراتسياسى سالدارىنان تۇرعىندار دالاعا شىعىپ ۇلگەرمەدى. ءورت ءسوندىرۋ بولىمشەلەرى كەلگەن كەزدە بارلاۋ جانە جانىپ جاتقان پاتەردەگى ءورتتى ءسوندىرۋ بارىسىندا 6-شى مارقۇمنىڭ (1977 ج.ت. ەر ادام) دەنەسى تابىلدى»،—دەپ ءتۇسىندىردى وبلىستىق تجد-نىڭ ءباسپاسوز قىزمەتى.

ءورت سوندىرۋشىلەر ءتۇتىن باسقان پاتەردىڭ كىرەبەرىسىنەن 10 ادامدى، ونىڭ ىشىندە 4 بالانى قۇتقاردى. ءورت 03:10-دا وقشاۋلانىپ، 04:00-دە ءسوندىرىلدى. ءتىلسىز جاۋدى جويۋعا قاراعاندى ​​وبلىسى توتەنشە جاعدايلار دەپارتامەنتىنىڭ 16 قىزمەتكەرى مەن 4 بىرلىك تەحنيكاسى جۇمىلدىرىلدى.

قازىرگى تاڭدا ءورتتىڭ شىعۋ سەبەبى انىقتالىپ جاتىر.

پىكىرلەر