اباي قۇنانبايۇلىنىڭ «جيدەباي-ءبورىلى» مەملەكەتتىك تاريحي-مادەني جانە ادەبي-مەموريالدىق مۋزەي-قورىعىندا «اباي مۇراسى جانە زاماناۋي مۋزەي: تانىم، ءبىلىم-عىلىم جانە تاربيە توعىسى» تاقىرىبىندا دوڭگەلەك ۇستەل ءوتتى.
ءىس-شاراعا مادەنيەت جانە اقپارات ءمينيسترىنىڭ كەڭەسشىلەرى شەرحان تالاپ جانە ەربول الشىنباي قاتىسىپ، مينيستر ايدا بالاەۆانىڭ قۇتتىقتاۋ حاتىن تابىستادى.
ابايدىڭ «جيدەباي-ءبورىلى» مەملەكەتتىك تاريحي-مادەني جانە ادەبي-مەموريالدىق مۋزەي-قورىعى» ديرەكتورى ۇلان ساعاديەۆ: «بۇگىندە مادەنيەت جانە اقپارات مينيسترلىگىنىڭ قولداۋىمەن ابايتانۋ عىلىمى مەن مۋزەي ءىسىن وركەندەتۋدە اۋقىمدى شارالار قولعا الىنۋدا. اباي مۇراسىن ناسيحاتتاۋ – مۋزەي قىزمەتكەرلەرىنىڭ باستى مىندەتى»، – دەدى.
قاتىسۋشىلار ۇرپاق تاربيەسىندە اباي شىعارمالارىن وقىتۋدا مەملەكەت تاراپىنان ەرەكشە نازار اۋدارىلىپ وتىرعانىن تىلگە تيەك ەتتى.
جيىن سوڭىندا اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ «حاكىم اباي» ورتالىعىنىڭ ديرەكتورى جابال شويىنبەتتىڭ «اباي قاراسوزدەرىنىڭ ەرەكشەلىكتەرى» كىتابىنىڭ تۇساۋكەسەرى مەن اباي شاڭىراقتارىنىڭ اراسىنداعى ىنتىماقتاستىقتى ارتتىرۋعا باعىتتالعان مەموراندۋمعا قول قويۋ ءراسىمى ءوتتى.
