"استانا" تەلەارناسىنىڭ كورسەتكەن دەرەكتەرىنە سۇيەنەر بولساق، وتكەن اپتانىڭ ءار كۇنى سۋ قويماسىنا ورتا ەسەپپەن 42 ملن تەكشە مەتر سۋ قۇيىلعان. سىيىمدىلىعى 5 ملرد 200 ملن تەكشە مەترلىك سۋ قويماسى لىقا تولىپ جاتىر.
"قازگيدرومەت" رمق تۇركىستان وبلىستىق فيليالىنىڭ باسشىسى ماحامبەت جازىقباەۆتىڭ ايتۋىنشا، شاردارا بىلتىرعى وسى كۇنمەن سالىستىرعاندا 100 پايىز ارتىق تولىپ وتىر.
گيدرولوگ ماماندار بۇل قۇبىلىسقا ۇكىمەت باسا نازار اۋدارۋى ءتيىس دەپ سانايدى. ويتكەنى ەلىمىزدەگى ەڭ ءىرى سۋ قويماسى سانالاتىن شاردارا ارناسىنان اسار بولسا، 34 مىڭ تۇرعىن قونىستانعان 22 ەلدى مەكەندى سۋ باسۋى مۇمكىن.
ءتيىستى مەكەمە تاراپىنان ەكولوگيا، گەولوگيا جانە تابيعي رەسۋرستار مينيسترلىگىنە "شاردارا" سۋ قويماسىنىڭ تولۋىن 70%-دان اسىرماۋ جانە "كوكساراي" سۋ قويماسىنا سۋ تولتىرماۋ بويىنشا ۇسىنىس حات جولدانعان. شاردارانىڭ شەگىنەن شىعىپ، اينالاسىنا سۋ جايىلۋىن بولمىرماۋدى كوزەيتىن ماماندار الاتمىش شارۋانى شەشۋ جولىندا شتاب قۇرىلىپ، ۇكىمەت دەڭگەيىندە ءتيىستى ءىس-شارالار قابىلدانۋى ءتيىس دەپ سانايدى.
"ادىرنا" ۇلتتىق پورتالى
