Şymkentte mas er adam avtobus jürgızuşısıne şabuyl jasap, bır adam qaitys boldy, dep habarlaidy “Adyrna” ūlttyq portaly otyrar.kz-ke sıltep.
Avtobus jürgızuşısı soqqyǧa jyǧylǧan. Qazır onyŋ jaǧdaiy tūraqty. Avtobus jürgızuşısı stasionarlyq em qabyldap jatyr.
148 avtobus jürgızuşınıŋ sözınşe küdıktı būǧan deiın de mas küide qoǧamdyq kölıkke mınıp, tızgınşılerge tiısıp jürıptı. Al keşe ol jürgızuşıge qatty söiledıŋ dep jūdyryǧyn ala jügırgen.
"Bır kün būryn ol menıŋ marşrutyma mıngen edı. Keremetten tüsıp qaldy. Qolynda araǧy bar edı. Ertesıne meşıt jaqtan qaita mındı. Mındı de janyma otyrdy. Sairamǧa kelgenge deiın tynyş otyrdy negızı . Keiın bastady ǧoi. Aramyzda qatty aiqai, şu da bolǧan joq. "Nege qatty söileisıŋ?" deidı. Men tüsken adamǧa qatty söilegen joqpyn, tez tüsıp qaldyŋyz degenmın. Kelıp boqtady. "Nege boqtaisyŋ?" degen kezde keldı da ūrdy. Mūrnym qanady. Közım qarauytyp kettı. Avtobusty toqtatyp tūramyn degenşe bırneşe soqqy berıp tastady", - deidı avtobus jürgızuşısı.
Därıgerler er adamnyŋ jaǧdaiyna qatysty mälımdeme jasady.
"15 tamyz künı jedel järdemmen kelıp tüsdı. Qabyldau bölımınde neirehirurgter kömek körsettı. Tekseru barysynda bas miynyŋ jaraqaty anyqtalǧan. Qazır nauqastyŋ jaǧdaiy tūraqty. Em şarasyn alyp bıtken soŋ ambulatoriialyq emge jıberıledı", - deidı neirohirurg Babur Iýsupov.Al oqiǧa ornynda qatty soqqydan bır äiel qaza tapty.
Ūqsas jaŋalyqtar
