Jetisý oblysynyń polıeıleri kámeletke tolmaǵan balany útikpen kúıdirgen degen aqparatqa pikir bildirdi, dep habarlaıdy “Adyrna” ulttyq portaly.
BAQ-ta Taldyqorǵan qalasyndaǵy kámeletke tolmaǵandardy beıimdeý ortalyǵynda balany útikpen kúıdirgen degen aqparatqa tarady.
Aqparatty alǵash bolyp oblystyq máslıhat depýtaty Ermek Eginbaev Instagram-daǵy paraqshasynda jarııalaǵan. Onda Taldyqorǵandaǵy kámeletke tolmaǵandardy beıimdeý ortalyǵynda jas búldirshindi útikpen kúıdirgeni týraly jazba jarııalandy. Artynsha depýtat jaraqat aldy degen balanyń ápkesimen birge osy ońaltý ortalyǵynda bir aı jatqanyn bildi. Ortalyqtaǵy balalardyń anasy jaqynda qaıtys bolǵan.
NUR.KZ portalynyń málimetinshe, polıııaǵa Taldyqorǵan qalasyndaǵy kámeletke tolmaǵandardy beıimdeý ortalyǵynda kámeletke tolmaǵan balaǵa qatygezdik kórsetý oqıǵasy bolýy múmkin ekeni týraly habarlama túsken. Polıııa mekeme qyzmetkerleriniń zorlyq-zombylyq áreketterinen 7 jasar balanyń denesinen kúıik anyqtaǵanyn málimdedi.
“Qazirgi ýaqytta atalǵan fakt boıynsha qylmystyq is qozǵalyp, bastapqy tergeý sharalary júrgizilip, ortalyq qyzmetkerlerinen túsiniktemeler alyndy. Mekeme basshylyǵy balany kúıik shalǵan oqıǵanyń 2024 jyldyń 24 shildesinde jazataıym bolǵanyn alǵa tartady. Alaıda, taǵylǵan aıyptyń aýyrlyǵyn eskere otyryp, polıııa bólimi qosymsha saraptamalar, sonyń ishinde sot-medıınalyq saraptama taǵaıyndady. Kýágerlerden, onyń ishinde ortalyq qyzmetkerleri men tárbıelenýshilerinen jaýap alynyp jatyr", - delingen oblystyq PD taratqan habarlamada.
