سپورتتىق گيمناستيكادان پاريج وليمپياداسىنىڭ كۇمىس جۇلدەگەرى ناريمان قۇربانوۆ سۇيىكتىسىنە ۇيلەنەتىنىن ايتىپ، جانكۇيەرلەرىن قۋانتتى. ول ۇيلەنۋ تويىن قىركۇيەككە جوسپارلاعان، دەپ حابارلايدى "ادىرنا" ۇلتتىق پورتالى.
ناريمان قۇربانوۆ گيمناست ايدا باۋىرجانوۆامەن شاڭىراق كوتەرمەك. بۇل تۋرالى سپورتشى قۇربانوۆ وليمپياداداعى جەتىستىگىنەن كەيىن جاڭالىعىمەن بولىسكەن بولاتىن. قوس سپورتشى وسى جىلدىڭ قىركۇيەگىندە ءبىر وتباسى بولاتىندارىن ايتتى.
"قىركۇيەك – بىر-بىرىمىزگە كوبىرەك كوڭىل ءبولىپ، ءومىرىمىزدىڭ جاڭا تاراۋىن باستايتىن ۋاقىت", – دەدى سپورتشى.
ناريمان قالىڭدىعى ايدامەن 2018 جىلدان بەرى قارىم-قاتىناستا ەكەنىن ايتتى. ولار جاتتىعۋ كەزىندە ءتىل تابىسا باستاعان. سودان بەرى قوس سپورتشى ءبىر-بىرىنەن اجىراماي، سپورت شىڭدارىن بىرگە باعىندىرىپ ءجۇر.
"ايدا ەكەۋمىز 2018 جىلى تانىستىق، سودان بەرى اجىرامادىق. مەنىڭ سۇيىكتىم ايدا دا گيمناست، ءبىز بىرگە سپورت الەمىندە شىڭداردى باعىندىرامىز", – دەدى گيمناست.
