وليمپيادادا جۇلدە العان سپورتشىلار قازاق سپورت جانە تۋريزم اكادەمياسىندا تەگىن ءبىلىم الادى، دەپ حابارلايدى "ادىرنا" ۇلتتىق پورتالى.
الماتىداعى قازاق سپورت جانە تۋريزم اكادەمياسىنىڭ پرەزيدەنتى قايرات زاكيريانوۆ پاريج وليمپياداسىنىڭ جۇلدەگەرلەرىنە ءبىلىم گرانتتارىن تابىستابى. دالىرەك ايتساق، دەمەۋ جادىراەۆقا دوكتورانتۋرادا، ناريمان قۇربانوۆ پەن عۇسمان قىرعىزباەۆقا ماگيستراتۋرادا تەگىن ءبىلىم الۋعا مۇمكىندىك بەرەتىن اكادەميا گرانتىن تابىس ەتتى.
وليمپيادا جۇلدەگەرلەرىنە ءبىلىم گرانتتارى اكادەميانىڭ ءبىرىنشى كۋرس ستۋدەنتتەرىن قابىلداۋ راسىمىندە تابىستالدى. جەڭىمپاز سپورتشىلار - دەمەۋ جادىراەۆ، ناريمان قۇربانوۆ، عۇسمان قىرعىزباەۆ، نازىم قىزايباي، يسلام ساتباەۆ قازاق سپورت جانە تۋريزم اكادەمياسىنىڭ تۇلەكتەرى. ولاردىڭ ەسىمى اكادەميانىڭ قۇرمەت تاقتاسىنا التىن ارىپپەن جازىلادى.
