Sporttyq gımnastıkadan Parıj Olımpıadasynyń kúmis júldegeri Narıman Qurbanov súıiktisine úılenetinin aıtyp, jankúıerlerin qýantty. Ol úılený toıyn qyrkúıekke josparlaǵan, dep habarlaıdy "Adyrna" ulttyq portaly.
Narıman Qurbanov gımnast Aıda Baýyrjanovamen shańyraq kótermek. Bul týraly sportshy Qurbanov Olımpıadadaǵy jetistiginen keıin jańalyǵymen bólisken bolatyn. Qos sportshy osy jyldyń qyrkúıeginde bir otbasy bolatyndaryn aıtty.
"Qyrkúıek – bir-birimizge kóbirek kóńil bólip, ómirimizdiń jańa taraýyn bastaıtyn ýaqyt", – dedi sportshy.
Narıman qalyńdyǵy Aıdamen 2018 jyldan beri qarym-qatynasta ekenin aıtty. Olar jattyǵý kezinde til tabysa bastaǵan. Sodan beri qos sportshy bir-birinen ajyramaı, sport shyńdaryn birge baǵyndyryp júr.
"Aıda ekeýmiz 2018 jyly tanystyq, sodan beri ajyramadyq. Meniń súıiktim Aıda da gımnast, biz birge sport áleminde shyńdardy baǵyndyramyz", – dedi gımnast.
