قاراعاندىدا تەڭىز وقيعاسى قايتالانۋدا (ۆيدەو)

24746

قاراعاندى وبلىسىنداعى جايرەم كەنتىندە تەڭىزدەگىدەي وقيعا قايتالانىپ جاتىر. جايرەمدە 2500-دەن استام ادام جۇمىس ىستەيتىن پوليمەتال زاۋىتى سالىنىپ جاتقان. سوعان سول جەرگىلىكتى جىگىتتەردى جۇمىسقا الا قويمايدى ەكەن. جان-جاقتا ۆاحتادا ءجۇر، اۋىلدا جۇمىس ىزدەپ ساندالىپ جۇرگەندەرى دە كوپ دەيدى.

بۇگىن كەشكىسىن 50 شاقتى جىگىت كپپنى بۇزىپ ءوتىپ، تۇرىكتەردى ساباپتى دا، 6 تۇرىكتى وزدەرىمەن بىرگە الىپ كەتىپتى. قازىر جۇزدەن استام جىگىت كوشەدە تۇرعان كورىنەدى. ولارعا ءار وبلىستان پوليتسەيلەر بارا جاتىر. مۇندا دا تۇرىك پەن قازاق قىزى قىلمىڭداسقان دەپ جاتىر. بىراق بۇل جاعدايعا دا قازاق جۇمىسشىلارىنىڭ شەتەلدىكتەرگە قاراعاندا ايلىقتى از الاتىن ەڭبەك تەڭسىزدىگى سەبەپ بولعان سەكىلدى..

بىلەتىندەر جايرەمدەگى وقيعا نەگىزى وسىدان 2-3 اي ەرتە باستالۋ كەرەك ەدى دەيدى. استانا كۇنىنىڭ الدىندا جۇمىسشىلار ميتينگ وتكىزبەكشى بولىپتى. اقىرى، كوپتەن جينالعان سىزداۋىق بۇگىن جارىلدى.

ازىرگە، رەسمي ورىنداردان اقپارات جوق. جاعدايدى تولىق باقىلاۋدا ۇستايمىز.

[video width="220" height="400" mp4="https://adyrna.kz/content/uploads/2019/08/video.mp4"][/video]

"ادىرنا" ۇلتتىق پورتالى

پىكىرلەر