قازاقستاندا ابونەنتتىك ۇيالى بايلانىس قۇرىلعىلارى قارا تىزىمگە ەنسە، بۇدان بىلاي وعان بايلانىس قىزمەتى كورسەتىلمەيتىنى ايتىلدى، دەپ حابارلايدى “ادىرنا” ۇلتتىق پورتالى.
قۇجات 16 تامىزدا "اشىق قۇقىقتىق اكتىلەر" پورتالىندا "ۇيالى بايلانىستىڭ ابونەنتتىك قۇرىلعىلارىن تىركەۋ قاعيدالارىن بەكىتۋ تۋرالى" قازاقستان رەسپۋبليكاسى اقپارات جانە كوممۋنيكاتسيالار ءمينيسترىنىڭ م.ا. 2018 جىلعى 23 مامىرداعى № 226 بۇيرىعىنا وزگەرىستەر مەن تولىقتىرۋلار ەنگىزۋ تۋرالى” تاقىرىبىمەن جاريالانعان.
قارا تىزىمدە "ۇيالى بايلانىس قىزمەتىن كورسەتۋگە تىيىم سالىنعان" ءموبيلدى قۇرىلعىلاردىڭ نومىرلەرى بولادى. بۇل تىزىمگە قاعيدالارعا سايكەس سايكەستەندىرۋ كودىنىڭ دەرەكقورىنا ەنگىزىلمەگەن قۇرىلعىلار كىرەدى.
اتاپ ايتقاندا، ەگەر:
- سايكەستەندىرۋ كودى دۇرىس ەمەس نەمەسە وزگەرتىلگەن;
- ءوندىرۋشى تاعايىنداعان سايكەستەندىرۋ كودى جوق;
- سايكەستەندىرۋ كودى ءموبيلدى بايلانىس قاۋىمداستىعىنىڭ (GSMA) عالامدىق جۇيەسىندە قارا تىزىمگە ەنگىزىلگەن;
اق ءتىزىم – ۇيالى بايلانىس قىزمەتتەرىن كورسەتۋگە رۇقسات ەتىلگەن ابونەنتتىك ۇيالى قۇرىلعىلاردىڭ ءتىزىمى. ول تۋرالى اقپارات ميۋ اج-دە ءساتتى تەكسەرىلگەن جانە قاعيدالارعا سايكەس ابونەنتتىك ۇيالى بايلانىس قۇرىلعىلارىنىڭ سايكەستەندىرۋ كودتارىنىڭ دەرەكقورىنا ەنگىزىلگەن ۇيالى بايلانىس قۇرىلعىلارىن قامتيدى.
سۇر ءتىزىم – ۇيالى بايلانىس قىزمەتتەرىن كورسەتۋدە شەكتەلگەن ابونەنتتىك ۇيالى بايلانىس قۇرىلعىلارىنىڭ جيىنتىعى. ياعني اق جانە قارا تىزىمدەرگە ەنگىزىلمەگەن، ابونەنتتىڭ سايكەستەندىرۋ كودتارىنىڭ دەرەكقورىنا ۋاقىتشا ەنگىزىلگەن ابونەنتتىك ۇيالى بايتەلەفونى سۇر تىزىمدە بار ابونەنت بۇل تۋرالى حاباردار بولۋى كەرەك.
