تۇركياداعى جەر سىلكىنىسىنەن كەيىن جوعالعان ميرۋس قۇرماشەۆتىڭ تاعى ءۇش ارىپتەسى بايلانىسقا شىقپاي قالدى. ولاردىڭ ەكەۋى قازاقستاندىقتار جانە ءبىرى – تۇركيا ازاماتى. بۇل تۋرالى ماعجان ماديەۆ Instagram پاراقشاسىندا جازدى، دەپ حابارلايدى “ادىرنا” ۇلتتىق پورتالى.
«ميرۋسپەن بىرگە ونىڭ ءۇش ارىپتەسى دە بايلانىسقا شىقپاي قالدى: ءادىل قادىربەكوۆ، سابينا مامادياروۆا، Kubilay Keskin.
ەگەر ءبىر اقپارات بولسا، +7(702)430-20-21 نومەرىنە جازۋلارىڭىزدى سۇرايمىز»، - دەپ جازدى Astana Hub باس ديرەكتورى ماعجان ماديەۆ Instagram پاراقشاسىندا.
قر سىرتقى ىستەر مينيسترلىگىنىڭ رەسمي وكىلى ايبەك سمادياروۆ حابارلاعانداي، ولاردى ىزدەستىرۋ جۇمىستارى ءجۇرىپ جاتىر.
سونىمەن قاتار ماعجان ماديەۆ جوعالعانداردى ىزدەۋ ءۇشىن حاتاي قالاسىنا ءوز بارا جاتىر. Astana Hub باسشىسى ولاردىڭ ورنالاسقان جەرى تۋرالى بىرنەشە ىلگەك بارىن ايتۋدا.
ەسكە سالايىق، Astana Hub تەحنوپاركىنىڭ حالىقارالىق اگەنتى ميرۋس قۇرماشەۆ حاتاي قالاسىندا جوعالىپ كەتتى. جەر سىلكىنىسىنەن كەيىن ميراسپەن بايلانىس ۇزىلگەن بولاتىن.
