الماتىدا قازاقستاندىق رەجيسسەر ومىردەن ءوتتى، دەپ حابارلايدى “ادىرنا” ۇلتتىق پورتالى Skif.news-كە سىلتەپ
ءازيزجان زايىروۆ بۇگىن، 3 قىركۇيەكتە ومىردەن ءوتتى. سۋىق حاباردى ونىڭ ايەلى حابارلادى.
«قىمباتتى دوستار، بۇگىن ءبىزدىڭ ءازيز ءومىر جولىن اياقتادى. ساعات 01:45-تە №7 قالالىق كلينيكالىق اۋرۋحانادا جانساقتاۋ بولىمىندە كوز جۇمدى. ونىڭ جولى جارقىن بولدى. وعان ءبارى ءۇشىن راحمەت»، — دەپ جازدى ول.
ءازيزجان زايىروۆ – رەجيسسەر، پروديۋسەر، ستسەناريست، قويۋشى-رەجيسسەر، قوعام قايراتكەرى، «100 جاڭا ەسىم» جوباسىنىڭ جەڭىمپازى اتانعان.
رەجيسسەر بالالار ۇيىندە وسكەن. 12 جاسىندا ەكىنشى توپتاعى مۇگەدەك اتانعان. ول جاقسىلىق پەن ماحابباتتى ۇيرەتەتىن ومىرلىك فيلمدەر تۇسىرگەندى جاقسى كورگەن.
