فرانتسيا استاناسى پاريج قالاسىندا ءوتىپ جاتقان وليمپيادا ويىندارىنىڭ سالتاناتتى جابىلۋ ءراسىمى بۇگىن وتەدى. سالتاناتتا قازاقستان تۋىن كىمدەر الىپ شىعاتىنى بەلگىلى بولدى، دەپ حابارلايدى "ادىرنا" ۇلتتىق پورتالى.
ويىنداردىڭ جابىلۋ شاراسىندا ەل تۋىن ەرلەردەن تاەكۆوندوشى باتىرحان تولەۋعالي مەن ايەلدەر اراسىندا كوركەم گيمناستيكادان ەل نامىسىن قورعاعان ەلجانا تانيەۆا الىپ شىعادى.
سپورتشى باتىرحان تولەۋعالي پاريجدە 80 كەلىگە دەيىنگى سالماقتا سىنعا ءتۇستى. 1/8 اينالىمدا ەكى دۇركىن الەم چەمپيونى، يتاليالىق سيمونە الەسسيومەن كەزدەسىپ، جەڭىلدى. باتىرحان تولەۋعالي قازاقستان ساپىنان وليمپياداعا قاتىسىپ جاتقان ەڭ جاس اتلەت رەتىندە تىركەلدى. 18 جاستاعى سپورتشىنىڭ بۇل تۇڭعىش وليمپياداسى ەكەنىن ەسكە سالامىز.
ال ەلجانا تانيەۆا پاريج وليمپياداسىندا ءتورت جاتتىعۋدىڭ قورىتىندىسى بويىنشا فينالعا وتە المادى.
