Franııa astanasy Parıj qalasynda ótip jatqan Olımpıada oıyndarynyń saltanatty jabylý rásimi búgin ótedi. Saltanatta Qazaqstan týyn kimder alyp shyǵatyny belgili boldy, dep habarlaıdy "Adyrna" ulttyq portaly.
Oıyndardyń jabylý sharasynda el týyn erlerden taekvondoshy Batyrhan Tóleýǵalı men áıelder arasynda kórkem gımnastıkadan el namysyn qorǵaǵan Eljana Tanıeva alyp shyǵady.
Sportshy Batyrhan Tóleýǵalı Parıjde 80 kelige deıingi salmaqta synǵa tústi. 1/8 aınalymda eki dúrkin álem chempıony, ıtalııalyq Sımone Alessıomen kezdesip, jeńildi. Batyrhan Tóleýǵalı Qazaqstan sapynan Olımpıadaǵa qatysyp jatqan eń jas atlet retinde tirkeldi. 18 jastaǵy sportshynyń bul tuńǵysh Olımpıadasy ekenin eske salamyz.
Al Eljana Tanıeva Parıj Olımpıadasynda tórt jattyǵýdyń qorytyndysy boıynsha fınalǵa óte almady.
