الەۋمەتتىك جەلىدە جەتى جىلاندى ۋىسىندا ۇستاپ، جىپشە يىرگەن قازاق بالاسىنىڭ ۆيدەوسى تاراپ جاتىر. جۇرەگىنىڭ تۇگى بار بالا كەلەشەگىنىڭ كەمەل بولاتىنىن، كۇنى ەرتەڭ حالقىنىڭ ارقاسۇيەرىنە اينالاتىنىن ۇعىندىرعانداي. اينالاداعى تال بىتكەننىڭ جاپىراعىنا قاراپ مەرزىمنىڭ "جىلاندى جاز" ەكەنىن بايقاۋعا بولادى. بۇل جايلى "ادىرنا" ۇلتتىق پورتالى حابارلايدى.
قولىندا يرەتىلگەن جەتى جىلانى بار بالا توعان بويىنا وتىرا كەتەدى. دوستارىمەن بولعان اڭگىمەسىندە "جىلان اۋلاپ", قىزىق قۋىپ جۇرگەنىن اڭعارتادى.
- اكەمنىڭ بالاسىمىن. باتىرحاننىڭ بالاسىمىن. جەتى جىلانىم بار. ولار ادامدى شاقپايدى، - دەپ دوستارىنا جاۋاپ بەرەدى جۇرەگىنىڭ ءتۇبى بار بالا باتىر.
ۆيدەوداعى سارىباس جىلانداردىڭ يرەتىلگەنىنە ۇركە قاراپ، بالانىڭ كوزسىز ەرلىگىنە تاڭدانىپ جاتقاندار وتە كوپ.
"دەنەم تۇرشىگىپ كەتتى. جۇرەگىنىڭ تۇگى بار ءبىر ءور مىنەزدى ەكەن مىنا بالا",
"نەگىزى مىقتى بالا ەكەن. وسكەندە كەرەمەت ادام بولادى","سارى جىلاندار عوي، بۇلار شاقپايدى. بالا كۇنىمىزدە سومكەگە سالىپ، مەكتەپكە اپارىپ، قىزداردى قىرعىن قىلۋشى ەدىك"
"جانىم،.. قاسيەتى بار بالا بولىپ تۇر عوي. جۇرەگى ەلىم دەپ سوقسىن ەر ازامات بولسىن!"بۇل جىلان ەمەس، كەسىرتكە تۇقىمداس، بىزدە ءورىپ جۇرەدى، بىراق سۇستى""بۇل جىلان ەمەس، جىلانعا ۇقسايتىن كەسىرتكە. دەنەسى جىلاننان قاراعاندا قىتتىلاۋ، ءتۇسى قىزعىلت سارى بولىپ كەلەدى. زوولوگيا ءپانى بويىنشا پراكتيكالىق ساباقتا بىرنەشەۋىن كەسىپ زەرتتەۋ جۇمىستارىن جۇرگىزگەنبىز.
"شاقپايدى ەكەن دەپ ءجۇرىپ ءبىر كۇنى ۋلى جىلانعا تاپ بولسا قايتەدى؟ قاۋىپتى ويىن عوي بۇل، بالانىڭ اكە-شەشەسىنە ەسكەرتۋ كەرەك" دەپ جازدى وقىرماندار.
