Ulttyq biryńǵaı testileý baly joǵary bolsa da, grant ala almaı qalǵan mektep túlekteri Ǵylym jáne joǵary bilim mınıstrligin sotqa bermek. Bul týraly áleýmettik jelide advokat Halıda Ájiǵulova jazdy, dep habarlaıdy “Adyrna” ulttyq portaly.
«Sot júıesi isti qaraýdan bas tartsa, Birikken Ulttar Uıymynyń bala quqyqtary jónindegi komıtetine júginemiz», — dep jazdy ol.
Sondaı-aq, balalar quqyǵyn qorǵaýshy Medına Maısar áleýmettik jelide granttardyń ádiletsiz bólingendigi týraly jazdy. Mınıstrlik sý tasqynynan zardap shekken aımaqtardan kelgen talapkerlerge 5000 grantty jeke emes, jalpy granttan bólip bergen.
Maısardyń jazýynsha, mınıstrlik tótenshe jaǵdaıdan zardap shekkenderge jalpy granttan emes, bólek grant bólýi kerek edi. Jalpy granttan bólýdiń áserinen joǵary ball jınaǵan túlekter grant ala almaı qalǵan.
«2024 jylǵy granttardy bólý kezinde ádildik boldy degenge kúmánim bar. Sondyqtan TJ kvotasyna bólingen 5112 granttyń ornyn toltyrý jáne grant ala almaǵan talapkerler arasynda qaıta bólýdi usynamyn», – dep jazdy ol.
Esterińizge sala keteıik, bilim jáne joǵary ǵylym mınıstrligi sý tasqynynan zardap shekken aımaqtardan kelgen talapkerlerge 5000 grantty jeke emes, jalpy granttan bólip bergen.
