Reseıdiń ekonomıkalyq damý mınıstri Maksım Reshetnıkov Qazaqstan men Reseı shekarasyndaǵy Muztaý (Reseıdegi ataýy - Belýha taýy) týraly aıtty. Bul týraly málimdeme Reseı prezıdenti Vladımır Pýtınniń úkimet múshelerimen kezdesýinde aıtyldy, dep habarlaıdy “Adyrna” ulttyq portaly.
«Bizde Qazaqstanmen shekarada sheshilmegen bir másele — Belýha taýy. Úkimetaralyq kelisimge qol qoıý kerek. Óıtkeni taýǵa shyǵý úshin Qazaqstannyń aýmaǵyn paıdalaný kerek, ol jaqta shekaralyq rejım bar. Biraq bul másele de bizdiń erekshe baqylaýymyzda», — dedi ol.
Ol Belýha taýyna qatysty sheshilmegen másele bar ekenin aıtyp, «qazaqstandyq áriptestermen birge zerttelip jatyr» dedi.
«Jaqsy. Biz ony jaqsartýymyz kerek. Eger syrtqy ister mınıstrliginen kómek kerek bolsa, maǵan aıtyńyz, jaraı ma?», — dedi Vladımır Pýtın.
Aıta keteıik, Muztaý (Belýha) — Qazaqstan men Reseı shekarasyn bólip jatqan taý. Ol Kóksý aýdany arqyly Altaı respýblıkasy men Shyǵys Qazaqstan oblysynyń aýmaqtary arqyly ótedi.
