وزبەكستان پرەزيدەنتى شاۆكات ميرزيەەۆ قازاقستانعا كەلدى. ونى استانا حالىقارالىق اۋەجايىندا مەملەكەت باسشىسى قاسىم-جومارت توقاەۆ كۇتىپ الدى، - دەپ حابارلايدى “ادىرنا” ۇلتتىق پورتالى اقوردانىڭ ءباسپاسوز قىزمەتىنە سىلتەمە جاساپ.
مارتەبەلى مەيماننىڭ قۇرمەتىنە اۋە ايلاعىندا سالتاناتتى قاراۋىل جاساقتالدى.
وزبەكستان باسشىسى 7-8 تامىزدا مەملەكەتتىك ساپارمەن ەلىمىزدە بولادى. ساپار بارىسىندا جوعارى دەڭگەيدە ەكىجاقتى كەلىسسوزدەر جۇرگىزىلىپ، بىرقاتار ماڭىزدى قۇجاتتارعا قول قويىلادى دەپ جوسپارلانۋدا.
سونىمەن قاتار، جۇما كۇنى، 9 تامىزدا استانادا ورتالىق ازيا مەملەكەتتەرى باسشىلارىنىڭ VI كونسۋلتاتيۆتىك كەزدەسۋى وتەدى، وعان قازاقستان، قىرعىزستان، تاجىكستان، تۇركىمەنستان جانە وزبەكستان باسشىلارى قاتىسادى.
