قوعام بەلسەندىسى ارمان شوراەۆ رەسەيلىك قاشقىنداردىڭ قر-عا كوپتەپ اعىلۋىنا بايلانىستى "ادىرنا" ۇلتتىق پورتالى ءجۋرناليسىنىڭ ساۋالىنا جاۋاپ بەردى. سونىمەن قاتار، قازاقستاندىقتاردىڭ ۋكراينا-رەسەي سوعىسىندا كىمدى قولداپ، كىمگە جاقتاساتىندىعىنا قاتىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
"كوپتەگەن رەسەيلىكتەر قازاقتاردىڭ ۋكراينانى ەمەس، تەك رەسەيدى قولداۋى ءتيىس دەپ ەسەپتەيدى ەكەن. سىزدەرگە مىنانى تۇسىندىرگىم كەلەدى. شىنتۋايتىندا، ماعان كورشىم ۇناماۋى مۇمكىن، بىراق بۇل وعان قارۋ كەزەنىپ، بالا-شاعاسىن، ايەلدەردى، قاريالاردى ءولتىرۋ دەگەندى بىلدىرمەيدى. ءوزارا قارىم-قاتىناستى رەتتەۋدىڭ وركەنيەتكە ءتان ورنىقتى ءادىس-تاسىلدەرى بار. قازاقتى وتە تولەرانتتى، كەڭپەيىل حالىق دەپ ەسەپتەيمىن. بىراق ءبىزدىڭ كەڭپەيىل قالپىمىزدى پايدالانىپ، باسىمىزعا شىعۋدى ويلاۋدىڭ قاجەتى جوق. رەسەيلىكتەر، مىنانى ۇعىنىڭىزدار، قازاقستاننىڭ سەكسەن پايىزى ۋكراينانى قولدايدى. ءبىز، بۇيىرتسا، ۋكراينامەن بىرلەسە وتىرىپ جەڭىس كۇنىن تويلايمىز ءالى. جەڭىس رەسەي تاراپىنىڭ تۇسىنە دە كىرىپ شىقپايدى، - دەدى ارمان شوراەۆ.
سونىمەن قاتار، قوعامدىق پىكىر جەتەكشىسى قازىرگى ميگراتسيالىق جارىلىس جايىن دا ءسوز ەتىپ، رەسەيدەن كەلىپ جاتقان تۇرعىندارعا ەسكەرتۋ جاسادى.
"رەسەي ازاماتتارى، ءبىزدىڭ ەلدە ءجۇرىس-تۇرىستارىڭىز ءتۇزۋ بولسىن. سىزدەرگە ءجونسىز جاۋىعاتىن جايىمىز جوق. بىراق، ءبىزدىڭ ەلگە نە ۋكرايناعا قارۋ اسىنىپ كەلگەندەردى سول جەردە ءوز قارۋىمەن ولتىرەمىز. مۇنى ۇعىڭىزدار! ەسكەرىڭىزدەر! امان بولايىق، - دەدى ا. شوراەۆ ءوز ءسوزىن تۇيىندەپ.
