حالىقتىڭ الەۋمەتتىك جاعدايىن كوتەرۋ ماقساتىندا قولعا الىنعان كەشەندى شارالاردىڭ تيىمدىلىگىنىڭ باستى ولشەمى – تۇرعىندار تابىسىنىڭ ارتۋى مەن ءومىر ءسۇرۋ ساپاسىنىڭ جاقسارۋى. بۇل رەتتە مەملەكەت باسشىسى ەكونوميكانىڭ ءوسىمىن حالىقتىڭ ءومىر ساپاسىنا تىكەلەي اسەر ەتۋ قاجەتتىگىن جەتكىزىپ، ناقتى مىندەتتەر جۇكتەگەن بولاتىن.
وسى ورايدا شىمكەنت قالاسىنىڭ ەكونوميكالىق كورسەتكىشتەرىمەن قاتار جەرگىلىكتى بيۋدجەتتىڭ كولەمى دە جىلدان جىلعا ارتىپ كەلەدى. بۇگىنگى تاڭدا بيۋدجەت كولەمى 764 ملرد تەڭگەنى قۇراپ، سوڭعى 6 جىلدا 5,2 ەسەگە ءوستى. وسىعان وراي، وتكەن جىلى جەرگىلىكتى بيۋدجەتتەن قارجىلاندىرىلاتىن مەكەمەلەردەگى 15 مىڭعا جۋىق قىزمەتشىنىڭ جالاقىسىنا قوسىمشا 22 000 تەڭگە ىنتالاندىرۋ ۇستەمەاقىسى تاعايىندالعان بولاتىن. بيىل 1 ساۋىردەن باستاپ قالا اكىمى عابيت سىزدىقبەكوۆتىڭ تاپسىرماسى اياسىندا ۇستەماقى 50 مىڭ تەڭگەگە دەيىن كوتەرىلدى. ناتيجەسىندە، جەرگىلىكتى بيۋدجەتتەن قارجىلاندىرىلاتىن مەكەمەلەردەگى ەڭ تومەنگى جالاقى كولەمى 140 000 تەڭگەدەن استى.
حالىقتىڭ تۇرمىسىن جاقسارتۋ باعىتىنداعى شارالار الداعى ۋاقىتتا دا جالعاسىن تاباتىن بولادى. تۇسىندىرمە جۇمىستارىنىڭ ناتيجەسىندە مۇنداي يگىلىكتى باستامالار قالا كاسىپكەرلەرى تاراپىنان دا قولداۋ تاۋىپ، بىرقاتار جەكە سەكتورداعى جالاقى كورسەتكىشى دە ارتىپ كەلەدى.
