پالەستينالىق حاماس ۇيىمى تەگەرانداعى رەزيدەنتسياعا ءيزرايلدىڭ جاساعان سوققىسىنان كەيىن وزدەرىنىڭ ساياسي جەتەكشىسى يسمايل حانيەنىڭ قازا تاپقانىن مالىمدەدى، دەپ حابارلايدى “ادىرنا” ۇلتتىق پورتالى.
«اعامىز، كوشباسشىمىز، قوزعالىس جەتەكشىسى، مۋدجاحيد يسمايل حانيە يراننىڭ جاڭا پرەزيدەنتىنىڭ يناۋگۋراتسياسىنا قاتىسقاننان كەيىن تەگەرانداعى شتاب-پاتەرىنە سيونيستەر جاساعان شابۋىلدا قازا تاپتى»، - دەپ حابارلايدى الەمدىك اگەنتتىك حاماس مالىمدەمەسىنە سىلتەمە جاساپ.
رەزيدەنتسياعا ناقتى قالاي سوققى جاسالعانى بەلگىسىز. حانيانىڭ قايتىس بولعانىن يران يسلام رەۆوليۋتسياسىنىڭ ساقشىلار كورپۋسى دا حابارلادى.
پالەستينالىق WAFA اگەنتتىگىنىڭ حابارلاۋىنشا، پالەستينا اۆتونومياسىنىڭ پرەزيدەنتى ماحمۋد ابباس حانيەنىڭ ءولتىرىلۋىن قاتاڭ ايىپتادى.
BBC-ءدىڭ تاياۋ شىعىستاعى ءتىلشىسى يولاندا كنەلل اتاپ وتكەندەي، حاماس وكىلدەرى حانياعا جاسالعان سوققى ايماقتاعى قاقتىعىستىڭ ەلەۋلى تۇردە ءورشۋىن بىلدىرەدى جانە «جازاسىز قالمايدى» دەپ مالىمدەگەن.
«بۇل گازاداعى سوعىس بارىسىنا قالاي اسەر ەتەتىنى ازىرگە بەلگىسىز، بىراق يسمايل حانيە اتىستى توقتاتۋ جانە كەپىلگە الىنعانداردى بوساتۋ جونىندەگى جاڭا كەلىسسوزدەردى قاداعالادى. ونىڭ قاتال ريتوريكاسىنا قاراماستان، ساراپشىلار ونى وتكەن جىلى ءيزرايلدىڭ وڭتۇستىگىنە جاسالعان ۇرەيلى رەيدتى ۇيىمداستىردى دەلىنگەن مۇحاممەد دەيف پەن ياحيا سينۆار رەتىندە قاراستىردى.
