الەۋمەتتىك جەلىدە قوعام قايراتكەرى ارمان شوراەۆتىڭ ايەلىن اياۋسىز سوققىعا جىققان ۆيدەوسى تاراعان. الايدا قىلمىستىق ءىس توقتادى، دەپ حابارلايدى "ادىرنا" ۇلتتىق پورتالى.
ەر ادامنىڭ ۇستىنە ارىز تۇسكەن. الايدا ەرلى-زايىپتىلار قايتا تاتۋلاسىپتى. پوليتسيا دەپارتامەنتى اتالعان جاعداي بويىنشا قىلمىستىق ءىس توقتاتىلعانىن حابارلادى.
"قىلمىستىق كودەكستىڭ "تاتۋلاسۋعا بايلانىستى قىلمىستىق جاۋاپتىلىقتان بوساتۋ" بابىنا سايكەس قىلمىستىق قۇقىق بۇزۋشىلىق جاساعان ادام جابىرلەنۋشىمەن تاتۋلاسقان بولسا، قىلمىستىق جاۋاپتىلىقتان بوساتىلادى. تاراپتار ءوز قۇقىقتارىن پايدالانا وتىرىپ، سوتقا دەيىنگى تەرگەۋدى توقتاتۋ تۋرالى ارىز جازدى", – دەلىنگەن پوليتسيا حابارلاماسىندا.
ەسكە سالايىق، قوعام بەلسەندىسى ارمان شوراەۆتىڭ استانا كوشەلەرىنىڭ بىرىندە ازاماتتىق نەكەدەگى جۇبايىن ۇرىپ-سوققان ۆيدەوسى جەلىدە جەلدەي تاراعان ەدى.
الايدا قوعام بەلسەندىسى وزىنە جالا جابىلعانىن ايتىپ، اقپاراتتى تاراتقان باق وكىلىن سوتقا بەرەتىنىن ايتقان.
