"سق-فارماتسيا" جشس جاڭا توراعا تاعايىندالدى، دەپ حابارلايدى "ادىرنا" ۇلتتىق پورتالى.
"سق-فارماتسيانى" 2024 جىلدىڭ 29 شىلدەسىنەن باستاپ ەركىن يساحانۇلى جاقاتاي باسقارادى.
ول 1994 جىلى "اۆتوماتيكا جانە باسقارۋ جۇيەسى" ماماندىعى بويىنشا قازاق ۇلتتىق تەحنيكالىق ۋنيۆەرسيتەتىن، 2001 جىلى "قارجى جانە نەسيە" ماماندىعى بويىنشا ت.رىسقۇلوۆ اتىنداعى قازاق ەكونوميكالىق ۋنيۆەرسيتەتىن بىتىرگەن.
مەملەكەتتىك، ناقتىراق، مەملەكەتتىك كىرىستەر مينيسترلىگى، قارجى مينيسترلىگى، يندۋستريا جانە جاڭا تەحنولوگيالار مينيسترلىگى، كۆازيمەملەكەتتىك جانە جەكە سەكتوردا 30 جىلدان استام باسشىلىق جۇمىس ءوتىلى بار.
2021 جىلدان باستاپ تاعايىندالعانعا دەيىن جەكە سەكتوردا جۇمىس ىستەدى.
وعان دەيىن "سق-فارماتسيانى" ەرحات سەرىكۇلى ەسقاليەۆ باسقارعان ەدى.
ودان بولەك، ەلىمىزدە ءدارى-دارمەكتىڭ باعاسى بىرنەشە ەسەلەپ قىمباتتاعانى ايتىلدى.
سونداي-اق، 2009 جىلى قۇرىلعان بۇل كومپانيا مەملەكەت كەپىلدىك بەرەتىن تەگىن مەديتسينالىق كومەك اياسىندا قازاقستان حالقىن دارىلىك زاتتارمەن قامتاماسىز ەتەتىن بىرىڭعاي ديستريبيۋتور. 2013 جىلدان بەرى "سك-فارماتسيا" دەنساۋمينگە قاراستىبولعانىنا قاراماستان، ەل اراسىندا ونى بۇرىنعى پرەزيدەنت نازارباەۆتىڭ كۇيەۋ بالاسى تيمۋر قۇلىباەۆتىڭ قۇرىلىمدارى باقىلايدى دەگەن پىكىر تارالعان.
ال اۋديتورلار "سك-فارماتسيا" كومپانياسىنىڭ مەديتسينالىق ۇيىمدار ءۇشىن 5,5 ميلليون ەۋروعا جۋىق قاجەتسىز پرەپاراتتاردى ساتىپ العانىن جانە ونىڭ لوگيستيكالىق ينفراقۇرىلىمىنىڭ جوقتىعىن انىقتادى. بۇل دا ءدارى-دارمەكتىڭ تۇپكىلىكتى باعاسىنا اسەر ەتەدى. جالپى، بيۋدجەتتىڭ ىقتيمال شىعىنى 21,7 ميلليارد تەڭگەنى (42 ميلليون ەۋرودان استام) قۇرايدى.
وسى جىلدىڭ 17 شىلدەسىندە قازاقستاندىق باق دەرەگىندە «سك-فارماتسيا» كومپانياسى ءدارى-دارمەك وندىرۋشىلەرىمەن تىكەلەي كەلىسىم-شارتتار جاساۋ قۇقىعىن العانى جانە جارامدىلىق مەرزىمدەرىن ەسكەرە وتىرىپ، تاۋارلاردى جوسپارلاۋ مەن ءبولۋ جونىندەگى بىرىڭعاي اقپاراتتىق جۇيەنى قۇرعانى كورسەتىلگەن مينيسترلىكتىڭ ءباسپاسوز قىزمەتىنىڭ ءسوزى تارادى.
سوندا دەنساۋلىق ساقتاۋمينيسترلىگىنىڭ كەيبىر باسشىلارىنىڭ قىزمەتتەن كەتكەنى تۋرالى دا حابارلاندى. الايدا، ولاردىڭ لاۋازىمدارى مەن اتى-جوندەرى كورسەتىلمەگەن بولاتىن.
