قالاداعى فارماتسەۆتتەردىڭ سوزىنە سەنسەك، قازىرگى قولدا بار اتالمىش ءدارىنىڭ قورى بىرەر اپتاعا عانا جەتەدى. دەگەنمان ءدارى سانىنىڭ سيرەۋى ونىڭ قىمباتتاۋىنا سەبەپ بولماعان دەيدى ماماندار. نارىقتاعى باعاسى - 85 تەڭگە.
- بىزگە كۇنىنە، ورتا ەسەپپەن، 300-400 ادام پاراتسەتامول ىزدەپ كەلەدى. ءدارى-دارمەك تاپشىلىعى بولاتىنىن ەردەدەن بولجاپ، كۇزدە كوپ مولشەرىن الىپ قويعان ەدىك، - دەدى بۇعان قاتىستى مامان ەۆگەنيا سەنچەنكو.
اۋا رايىنىڭ قۇبىلۋى دا تۇماۋ تۇرلەرىنىڭ كۇش الىپ، ءدارى-دارمەك جەتكىزىلۋىنىڭ جولىن "بوگەگەن". قازىردىڭ وزىندە قىزىلجاردا ۆ ساناتىنداعى تۇماۋعا شالدىققاندار سانى بىلتىرعى جىلمەن سالىستىرعاندا 7 ەسە ارتتى. ولاردىڭ جالپى سانى - 245 ادام. شوشقا تۇماۋىن جۇقتىرعان 17, گونكونگ تۇماۋىمەن اۋىرعان 4 ناۋقاس تىركەلدى.
Qazaqstan.tv ارناسىنىڭ حابارلاۋىنشا، قولايسىز اۋا رايىنا بايلانىستى ءدارى-دارمەكتىڭ كەزەكتى پارتياسى قىزىلجارعا ورتالىقتان دەر كەزىندە جەتپەي قالعان. ونىڭ ۇستىنە، تۇماۋ ورشەلەنىپ، ونى جۇقتىرعاندار سانى دا ارتىپ وتىر.
"ادىرنا" ۇلتتىق پورتالى
