"قازسەلدەنقورعاۋدىڭ" بۇرىنعى باسشىسى كارىم كوكىرەكباەۆتىڭ ۇكىمى جويىلدى. بۇل تۋرالى انتيكور مالىمدەدى، دەپ حابارلايدى “ادىرنا” ۇلتتىق پورتالى.
"بيىل 25 شىلدەدە الماتى وبلىستىق سوتى قر تجم "قازسەلدەنقورعاۋ" مم باسشىسى ق.كوكرەكباەۆقا قاتىستى اقتاۋ ۇكىمىنىڭ كۇشىن جويدى، قىلمىستىق ءىس ءبىرىنشى ساتىداعى سوتتىڭ جاڭا قاراۋىنا جولداندى. سونىمەن قاتار، ك. كوكرەكباەۆ سوت زالىندا قاماۋعا الىندى", - دەلىنگەن حابارلامادا.
ەستەرىڭىزگە سالا كەتەيىك, جامبىل وبلىسىنىڭ بۇرىنعى اكىمى جانە سول كەزدە "قازسەلدەنقورعاۋ" باسشىسى بولعان كارىم كوكرەكباەۆتىڭ ۇستالعانى تۋرالى 2022 جىلدىڭ 27 جەلتوقسانىندا بەلگىلى بولدى. سول كەزدە انتيكور ول "پارا الۋ كەزىندە" ۇستالعانى تۋرالى حابارلاندى. 2023 جىلعى مامىردا انتيكوردا ءىستىڭ قاتىسۋشىلارىنا ورىندالعان جۇمىستار اكتىلەرىنە قول قويعانى جانە جالپى قامقورلىعى ءۇشىن كاسىپكەرلەردەن جالپى سوماسى 396 ميلليون تەڭگەگە ءىرى جانە اسا ءىرى كولەمدە پارا الۋ ايىپتالعانىن مالىمدەدى.
ال بيىل 7 ماۋسىم كۇنى الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى قر تجم اۋماقتىق بولىمشەسىنىڭ لاۋازىمدى تۇلعالارىنا قاتىستى قىلمىستىق ءىستى قاراپ، اسا ءىرى كولەمدە پارا الدى دەلىنگەن كارىم كوكىرەكباەۆتى اقتادى.
كەيىن پروكۋراتۋرا كوكىرەكباەۆقا قاتىستى اقتاۋ ۇكىمىنە كۇمان تۋدىرعانىن حابارلادىق.
سونداي-اق، قر جوعارى سوتىنىڭ قىلمىستىق ىستەر جونىندەگى سوت القاسىنىڭ توراعاسى نازگۇل راحمەتۋللينا كوكىرەكباەۆتىڭ ءىسى قايتا قارالۋى مۇمكىن ەكەنىن ايتقان.
