"Qazseldenqorǵaýdyń" burynǵy basshysy Kárim Kókirekbaevtyń úkimi joıyldy. Bul týraly Antıkor málimdedi, dep habarlaıdy “Adyrna” ulttyq portaly.
"Bıyl 25 shildede Almaty oblystyq soty QR TJM "Qazseldenqorǵaý" MM basshysy Q.Kókrekbaevqa qatysty aqtaý úkiminiń kúshin joıdy, qylmystyq is birinshi satydaǵy sottyń jańa qaraýyna joldandy. Sonymen qatar, K. Kókrekbaev sot zalynda qamaýǵa alyndy", - delingen habarlamada.
Esterińizge sala keteıik, Jambyl oblysynyń burynǵy ákimi jáne sol kezde "Qazseldenqorǵaý" basshysy bolǵan Kárim Kókrekbaevtyń ustalǵany týraly 2022 jyldyń 27 jeltoqsanynda belgili boldy. Sol kezde Antıkor ol "para alý kezinde" ustalǵany týraly habarlandy. 2023 jylǵy mamyrda Antıkorda istiń qatysýshylaryna oryndalǵan jumystar aktilerine qol qoıǵany jáne jalpy qamqorlyǵy úshin kásipkerlerden jalpy somasy 396 mıllıon teńgege iri jáne asa iri kólemde para alý aıyptalǵanyn málimdedi.
Al bıyl 7 maýsym kúni Almaty oblysynyń qylmystyq ister jónindegi mamandandyrylǵan aýdanaralyq soty QR TJM aýmaqtyq bólimshesiniń laýazymdy tulǵalaryna qatysty qylmystyq isti qarap, asa iri kólemde para aldy delingen Kárim Kókirekbaevty aqtady.
Keıin prokýratýra Kókirekbaevqa qatysty aqtaý úkimine kúmán týdyrǵanyn habarladyq.
Sondaı-aq, QR Joǵary Sotynyń Qylmystyq ister jónindegi sot alqasynyń tóraǵasy Nazgúl Rahmetýllına Kókirekbaevtyń isi qaıta qaralýy múmkin ekenin aıtqan.
